ۇكىمەت قاۋلىسىمەن قازاقستان رەسپۋبليكاسىنىڭ اۋماعىنان وڭدەلمەگەن باعالى مەتالداردى، باعالى مەتالداردىڭ سىنىقتارى مەن قالدىقتارىن جانە قۇرامىندا باعالى مەتالدار بار شيكىزات تاۋارلارىن اكەتۋگە ۋاقىتشا تىيىم سالىندى. بۇل تۋرالى قازاقپارات مالىمدەدى.

        قازاقستان رەسپۋبليكاسىنىڭ اۋماعىنان ۋاقىتشا اكەتۋگە تىيىم سالىنعان، وڭدەلمەگەن باعالى مەتالدار،               باعالى مەتالداردىڭ سىنىقتارى مەن قالدىقتارى جانە قۇرامىندا باعالى مەتالدار بار شيكىزات تاۋارلارى:

1. وڭدەلمەگەن نەمەسە جارتىلاي وڭدەلگەن، نەمەسە ۇنتاق تۇرىندەگى التىن (پلاتينادان الىنعان گالۆانيكالىق قاپتاماسى بار التىندى قوسا العاندا):
- مونەتارلىق ەمەس:
- ۇنتاق;
- وزگە دە وڭدەلمەگەن نىسانداردا:
- وزگەلەرى (وڭدەلمەگەن، سول سياقتى تازارتىلعان
تۇردەگى، تازالىعى ليگاتۋرالىق سالماقتىڭ 1000 ۇلەسىنە قاتىستى 995 مىڭ ۇلەسكە تەڭ نەمەسە ودان ارتىق، بۇل 995 سىناماعا، 995 پروميللەگە، 99,5 پايىزعا نەمەسە 23,88 كاراتقا سايكەس تۇيىرشىكتەلگەن التىندى قوسپاعاندا) 

2. باعالى مەتالداردىڭ نەمەسە باعالى مەتالدار جالاتىلعان مەتالداردىڭ قالدىقتارى مەن سىنىقتارى; نەگىزىنەن باعالى مەتالداردى شىعارۋ ءۇشىن پايدالانىلاتىن، قۇرامىندا باعالى مەتالل نەمەسە باعالى مەتالداردىڭ قوسىلىستارى بار وزگە قالدىقتار مەن سىنىقتارى:
- التىن جالاتىلعان مەتالدى قوسا العاندا، بىراق قۇرامىندا باسقا دا باعالى مەتالدار بار قالدىقتاردى قوسپاعاندا، التىن.

قۇجاتتىڭ تولىق ماتىنى رەسپۋبليكالىق باق-تاردا جاريالاناتىن بولادى.

اباي-اقپارات