Baq.kz-ءتىڭ حابارلاۋىنشا قازاقستان مەن ورتالىق ازياداعى دۇنيەجۇزىلىك بانك ەنەرگيا تيىمدىلىگى جوباسى بويىنشا 20 ميلليون دوللارعا گرانتتىق كەلىسىمگە قول قويادى. بۇل جايىندا بۇگىن قازاقستاندا ەنەرگيا تيىمدىلىگى شارالارىن قارجىلاندىرۋ جانە جۇزەگە اسىرۋ مەحانيزمدەرى تاقىرىبىندا باستالعان كونفەرەنتسيادا قر يندۋستريا جانە جاڭا تەحنولوگيالار ءبىرىنشى ۆيتسە-ءمينيسترى البەرت راۋ مالىمدەدى.

ول ءوز سوزىندە: «گرانتتىق كەلىسىم جاساۋعا دايىندالىپ جاتىرمىز، وسى كەلەسىم اياسىندا قازاقستانداعى جوبالار قارجىلاندىرىلاتىن بولادى. سول پيلوتتىق جوبا اياسىندا ءبىز ءار وبلىستا بەلگىلەنگەن مەكتەپ، اۋرۋحانالار سالىپ، ادامدارعا ۇنەمدەۋدىڭ ارقاسىندا تيىمدىلىكتى قانشالىقتى ارتتىرۋعا بولاتىنىن كورسەتكىمىز كەلەدى»، - دەپ مالىمدەگەن.

استانادا ءوتىپ جاتقان كونفەرەنتسيادا مينيسترلىك وكىلى قازاقستاننىڭ «جاسىل» ەكونوميكاعا ءوتۋى، سونداي اق «بولاشاق ەنەرگياسى» ۇرانىمەن وتەتىن ەكسپو 2017 كورمەسىن وتكىزۋى ەنەرگيا ۇنەمدىلىگى، ەنەرگيا تيىمدىلىك ماسەلەلەرىنىڭ ماڭىزدىلىعىن ارتتىرىپ وتىرعاندىعىن اتاپ ءوتتى.

ءوز كەزەگىندە الەمدىك بانكتىڭ ورتا ازيا بويىنشا وڭىرلىك ديرەكتورى سارودج كۋمار دجا: «بۇكىلالەمدىك بانك ەنەرگيا تيىمدىلىگىنە قاتىستى جوبالارعا ارنالعان 20 ملن. دوللار بولاتىن گرانتتاردى بولۋدە. مەن قازاقستانداعى جوبالار جەدەلدەتىلىپ، جىلدامىراق ونى جۇزەگە اسىرۋعا كوشسەك دەپ تىلەيمىن. وسىلايشا، ونەركاسىپتە، تۇرعىن ءۇي سەكتورىندا ەنەرگيا تيىمدىلىگىن ارتتىرۋدا كومەگىمىز تيسە دەيمىز»، - دەپ اتاپ كورسەتكەن.

اباي-اقپارات