دۇيسەنبى, 17 مامىر 2021
جاڭالىقتار 4317 0 پىكىر 30 جەلتوقسان, 2014 ساعات 11:24

اۋىلداعى ارداگەرلەر

بۇگىنگى دەرەكتەر بويىنشا ەلىمىزدە 5115 سوعىس ارداگەرى بار. ال، كەلەر 2015 جىل ۇلى وتان سوعىسىنداعى جەڭىستىڭ 70 جىلدىعى جانە تمد ەلدەرىندەگى ارداگەرلەر جىلى بولماق. وسى ورايدا ەلباسى نۇرسۇلتان نازارباەۆتىڭ باستاماسىمەن ۇلى وتان سوعىسىنىڭ ارداگەرلەرىن قولداۋ جونىندەگى جالپىۇلتتىق بىرەگەي اكتسياسى وتۋدە.

اقتسيا شەڭبەرىندە ۇلكەن قالالاردا تۇراتىن ارداگەرلەردەن باستاپ الىس اۋىلدارداعى قاريالارعا دەيىن ەسكەرىلىپ، ەلباسىنىڭ قولى قويىلعان قۇتتىقتاۋ حات پەن سىيلىقتار  يەلەندى. سولاردفىڭ قاتارىندا قىزىلوردا وبلىسى قازالى اۋدانىنىڭ ارداگەرلەرى باعىبەرگەن قۇلمۇرات پەن قاباق سماعۇل اقساقالدار دا بار. قوس ارداگەرگە  اۋدان اكىمى باقىت جاحانوۆ قازاقستان پرەزيدەنتى نۇرسۇلتان نازارباەۆتىڭ اتىنان جاڭاجىلدىق قۇتتىقتاۋلار مەن سىي-سياپاتتى جەتكىزدى

قوس اقساقال دا اۋدان حالقىنىڭ اراسىندا ۇلكەن قۇرمەتكە يە. باعىبەرگەن قۇلمۇرات پەن قاباق سماعۇل سوناۋ 1942 جىلى قان مايدانعا اتتانىپ، نەمىستەرگە قارسى كەڭەس ارمياسىنىڭ قاتارىندا قىزمەت ەتكەن. اۋدان اكىمى باقىت جاحانوۆ ارداگەرلەردىڭ ۇيىنە بارىپ، ولاردىڭ حال-جاعدايلارىن سۇراستى، بولاشاققا قۇرعان جوسپارلارى جايىندا كەڭەستى. اقساقالدار ەلباسىنىڭ قۇتتىقتاۋلارى مەن سىيلىقتارىنا ريزا بولىپ، العىس ايتتى. 
«بىزگە قامقورلىق تانىتىپ جاتقاندارى ءۇشىن العىسىم شەكسىز. پرەزيدەنتتىڭ قۇتتىقتاۋى – بارشا حالىقتىڭ قۇتتىقتاۋى. قازاقستاندىقتار بەيبىتشىلىكتىڭ قانشالىقتى قىمبات ەكەنىن بىلەدى، ونى كوزدەرىنىڭ قاراشىعىنداي قورعايدى. بارلىقتارىڭىزعا تەك باقىت تىلەيمىن»، - دەدى قاباق سماعۇل. 
اباي-اقپارات.

(ماقالا مەن سۋرەت «BNews.kz» اا دەرەكتەرى نەگىزىندە ازىرلەندى).

 

0 پىكىر