استانادا قر قك جوعارعى باس قولباسشىسى ن.ءا. نازارباەۆتىڭ اتىنان ۇلى وتان سوعىسىنداعى جەڭىستىڭ 70 جىلدىعىنا ارنالعان «جەڭىسكە قۇرمەت» مارافون-اكتسياسى باستالادى.

اكتسيا شەڭبەرىندە جەڭىستىڭ اۋىسپالى ۆىمپەلى كەڭ بايتاق قازاقستاندى شارلاپ، رەسپۋبليكامىز بويىنشا سەگىز اسكەري بولىمدە بولادى. استاناداعى 36-شى دەسانتتى-شابۋىلداۋشى بريگادادان باستاۋ الاتىن اكتسيا ەلىمىزدىڭ بارلىق نەگىزگى اسكەري بولىمدەرىن ارالاپ شىعادى. 

5 قاڭتار - قاراعاندىدا، 6 قاڭتار - سەمەيدە، 8 قاڭتار - قاپشاعايدا، 9 قاڭتار - وتاردا، 12 قاڭتار - اقتاۋدا جانە 13 قاڭتار - الماتىدا بولادى.

بۇل كۇندەرى ۇلى وتان سوعىسىنىڭ ارداگەرلەرىن ۇلىقتاۋ ءراسىمى وتەدى. ارداگەرلەرگە قر قك جوعارعى باس قولباسشىسى ن.ءا. نازارباەۆتىڭ اتىنان قۇتتىقتاۋلار مەن سىيلىقتار تاپسىرىلادى.

ولارعا قر قورعانىس مينيسترلىگىنىڭ قۇرمەتتى قاراۋىل روتاسى قۇرمەت كورسەتەدى. 15 قاڭتاردا بۇكىل ەلىمىزدى ارالاپ شىققان جەڭىس ۆىمپەلى بولاشاق وتان قورعاۋشىلارى ءبىلىم الاتىن - كەڭەس وداعىنىڭ باتىرى، حالىق قاھارمانى ارميا گەنەرالى ساعادات نۇرماعامبەتوۆ اتىنداعى «جاس ۇلان» رەسپۋبليكالىق مەكتەبىنە رەسمي تۇردە تابىس ەتىلەدى. بۇل سالتاناتتى شارا ۇرپاقتار ساباقتاستىعى مەن بەيبىت ءومىر ءۇشىن كۇرەسكەن اعا بۋىنعا ادالدىقتى بەينەلەيدى.

اباي-اقپارات.

(ماقالا «قازاقپارات» حاا دەرەكتەرى نەگىزىندە ازىرلەندى).