بەيسەنبى, 28 ناۋرىز 2024
جاڭالىقتار 4423 0 پىكىر 30 جەلتوقسان, 2014 ساعات 10:02

تۇركى اكادەمياسىنىڭ تىنىسى

قازاقستان رەسپۋبليكاسىنىڭ مەملەكەتتىك حاتشىسى گۇلشارا ابدىقالىقوۆا حالىقارالىق تۇركى اكادەمياسىنا بولىپ، بىرەگەي عىلىمي ورتالىقتىڭ عىلىمي-زەرتتەۋ قىزمەتىمەن تانىستى. گۇلشارا ابدىقالىقوۆا قازاقستان حالقى اسسامبلەياسىنىڭ جىلىن، كونستيتۋتسيانىڭ 20 جىلدىعىن، قازاق حاندىعىنىڭ 550 جىلدىعىن، جەڭىستىڭ 70 جىلدىعىن مەرەكەلەۋگە دايىندىق اياسىندا جۇرگىزىلىپ جاتقان جۇمىسقا نازار اۋداردى.

مەملەكەتتىك حاتشى تۇركى الەمىنىڭ عىلىمي جانە زياتكەرلىك ىنتىماقتاستىعىن ۇيلەستىرۋ ورتالىعى قازاقستان پرەزيدەنتى ن.ءا.نازارباەۆتىڭ باستاماسىمەن اشىلعانىن اتاپ ءوتتى.

گۇلشارا ابدىقالىقوۆا تۇركى اكادەمياسى باي تۇركى الەمىنىڭ رۋحاني-مادەني مۇراسىن، ونىڭ ىشىندە قازاق مەملەكەتتىلىگىن، قازاق حاندىعىنىڭ قۇرىلۋىن زەردەلەۋدە ماڭىزدى رول اتقاراتىنىن ايتتى.

گ.ن.ابدىقالىقوۆا تۇركى حالىقتارىنىڭ تاريحي مۋزەيىن ارالاپ كوردى.  مۇندا تۇركى حالىقتارىنىڭ تەرەڭ تاريحى مەن ومىرشەڭ وركەنيەتىنەن سىر شەرتەتىن ءار تاريحي كەزەڭنىڭ قۇندى جادىگەرلەرى قويىلعان.

گۇلشارا ابدىقالىقوۆاعا تۇركىتانۋ بويىنشا 32 مىڭ كىتاپ قورى بار اكادەميا كىتاپحاناسى تانىستىرىلدى. كىتاپحانا قورى ءا.ءناجىپ، ءا.قۇرىسجانوۆ، ءا.قايدار جانە باسقا دا بەلگىلى تۇركولوگ-عالىمداردىڭ، ماجارستاندىق تۇركولوگ-عالىم يشتۆان قوڭىر ماندوكيدىڭ 16 مىڭ كىتاپتان تۇراتىن مول مۇراسى قۇرايتىنىن اتاپ وتكەن ءجون.  

مەملەكەتتىك حاتشى اكادەميانى ارالاۋ بارىسىندا اكادەميانىڭ عالىمدارىمەن جانە قىزمەتكەرلەرىمەن كەزدەسۋ وتكىزدى. اكادەميادا قازاقستان، قىرعىزستان، رەسەي جانە وزبەكستان ەلدەرىنىڭ ازاماتتارى، ونىڭ ىشىندە 8 عىلىم دوكتورى، «بولاشاق» باعدارلاماسىنىڭ 2 تۇلەگى جۇمىس ىستەيدى. 2014 جىلى تۇركى الەمىنىڭ وزەكتى ماسەلەلەرىنە ارنالعان 5 فورۋم، 4 حالىقارالىق عىلىمي كونفەرەنتسيا جانە 15 عىلىمي سەمينار وتكىزدى. اكادەميادا 30-دان استام تۇركىتانۋ ورتالىعىنىڭ اتىنان دۇنيەجۇزىنىڭ  192 عالىمىنىڭ قاتىسۋىمەن 36 عىلىمي-زەرتتەۋ جوبالار ىسكە اسىرىلۋدا.

جيىن سوڭىندا مەملەكەتتىك حاتشى حالىقارالىق تۇركى اكادەمياسى «قازاقستان-2050» ستراتەگياسىن، «نۇرلى جول – بولاشاققا باستار جول» جولداۋىن ىسكە اسىرۋدا، «ماڭگىلىك ەل» جالپىۇلتتىق يدەياسىن ىلگەرلەتۋدە  ماڭىزدى زياتكەرلىك تۇعىرناما بولىپ تابىلاتىنىن اتاپ كورسەتتى.

اباي-اقپارات. 

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2253
عيبىرات

قايسار رۋحتى عازيز جان

مۇحتار قۇل-مۇحاممەد 3515