ەلباسى نۇرسۇلتان نازارباەۆتىڭ اتىنان اقمولا وبلىسىنىڭ اكىمى سەرگەي كۋلاگين كوكشەتاۋلىق بءىر توپ ۇوس ارداگەرلەرىنە سىي جاسادى. ايماق باسشىسى الەكساندر كياتكين، اسىلبەك داۋلەتوۆ جانە بۇركىتباي باتىرحانوۆتى جاڭا جىل مەرەكەسىمەن قۇتتىقتادى.  

العاشقى بولىپ، ەلباسىنىڭ سالەمدەمەسىن وبلىس اكىمى سەرگەي كۋلاگين كوكشەتاۋلىق، ۇوس ارداگەرى اسىلبەك داۋلەتوۆكە جەتكىزدى.

«ەلباسى بارلىق اكىمدەرگە جاڭا جىل قارساڭىندا ۇوس بارلىق ارداگەرلەرىن قۇتتىقتاۋدى تاپسىردى. بۇل - ءبىز ءۇشىن ۇلكەن پارىز. بىزدەرگە بەيبىت ءومىر سىيلاعان سىزدەردىڭ الدارىڭىزدا باسىمىزدى يەمىز. سىزدەردىڭ جاعدايلارىڭىزدى مەملەكەت باسشىسى ءوز باقىلاۋىنا الىپ وتىر. سول سەبەپتى جاڭا جىل مەرەكەسى قارساڭىندا ەلباسىنىڭ قۇتتىقتاۋىن سىزدەرگە جەتكىزىپ وتىرمىز»، - دەدى ءوز سوزىندە وبلىس اكىمى.

«وسى يگى ءىستى بۇكىل ەل بولىپ، قولعا الىپ وتىرعان حالقىما، ەلباسى نۇرسۇلتان ءابىشۇلىنا العىسىم شەكسىز. ارادا 70 جىل وتسە دە، ميلليونداعان جازىقسىز ادامداردىڭ ءومىرىن جالماپ كەتكەن قانقۇيلى سوعىس كۇنى بۇگىنگىدەي كوز الدىمدا. سىزدەر سوعىستى كورگەن جوقسىزدار. ءبىز اعا بۋىن وكىلدەرى تاعدىر-تالايى سول زۇلماتتى جىلدارمەن تۇسپا-تۇس كەلگەن ارداگەرلەر ەندىگى ارادا الەمدە بەيبىتشىلىك مىقتاپ ورناپ، قوي ۇستىنە بوزتورعاي جۇمىرتقالايتىن مامىراجاي قالپىنان ارىلماسا ەكەن دەپ تىلەيمىز»، - دەپ يگى تىلەگىن ءبىلدىردى ارداگەر.

سونىمەن قاتار، بۇل كۇنى ۇوس تاعى ءبىر ارداگەرى الەكساندر كياتكين مەن بۇركىتباي باتىرحانوۆتى دا ەلباسى اتىنان قۇتتىقتاپ، جىلى لەبىزدەر ايتىلدى.

ءوز سوزىندە جاسى 90 القىمداعان بۇركىتباي باتىرحانوۆ بارشا قازاقستاندىقتاردى كەلە جاتقان جاڭا جىل مەرەكەسىمەن قۇتتىقتاپ، وسىنداي قۋانىشقا بولەپ جاتقان ەلباسىنا شىنايى ريزاشىلىعىن ءبىلدىردى.

«اركىم مىناۋ جارىق دۇنيەنىڭ، نۇر ساۋلەنىڭ، جارقىن تىرشىلىكتىڭ ادامزات ءۇشىن قانشالىقتى قىمبات ەكەندىگىن ءبىلۋى كەرەك. بەيبىتشىلىك شۋاعىنا مالىنعان قاس-قاعىم ساتكە جەتەتىن قازىنا بولمايتىن شىعار، ءسىرا. سوندىقتان دا، وسى جارقىن كۇندەرىمىزدى كەمەل كەلەشەككە ۇلاستىرۋ ءۇشىن بەيبىت زاماننىڭ قادىر-قاسيەتىن جان-دۇنيەڭمەن ۇعىنساڭ عانا، ەت جۇرەگىڭمەن سەزىنسەڭ عانا وسىناۋ ۇلى ىسكە ءوز ۇلەسىڭدى قوسا الاسىڭ. ءبىزدىڭ ۇرپاعىمىز سوعىس دەيتىن سۇراپىل ءسوزدى ەستىمەسىن. جاڭا جىل پرەزيدەنتىمىز نۇرسۇلتان نازارباەۆ باستاعان قازاقستان حالقىنا تەك جاقسىلىق اكەلسىن»، - دەدى بۇركىتباي باتىرحانوۆ.

ال، بۇگىنگى كۇنى اقمولا وبلىسىندا 226 ۇوس ارداگەرى بولسا، ونىڭ 72-ءى كوكشەتاۋدا تۇرادى.و سى ورايدا، وبلىسى اكىمى الداعى جىلى 75 مىڭ تەڭگەدەن اۋعان سوعىسىنىڭ، 150 مىڭ تەڭگەدەن ۇوس ارداگەرلەرىنە ءبىر رەتتىك الەۋمەتتىك تولەماقى بەرۋ رەتىندە كومەك كورسەتۋ جونىندە ۇسىنىس بيۋدجەتكە ەنگىزىلگەنىن تىلگە تيەك ەتتى. سونىمەن قاتار، ول ۇوس قاتىسقان وڭىردەگى بارلىق ارداگەرلەرگە وسىنداي قۇرمەت كورسەتىلەتىن اتاپ ءوتتى.

اباي-اقپارات.

(ماقالا «قازاقپارات» حاا دەرەكتەرى نەگىزىندە ازىرلەندى).