سەنبى, 19 ماۋسىم 2021
جاڭالىقتار 5791 0 پىكىر 27 جەلتوقسان, 2014 ساعات 14:59

الماتى اقىنمەن قوشتاسادى

65 جاسقا قاراعان شاعىندا قازاقتىڭ كورنەكتى اقىنى، حالىقارالىق «الاش» سىيلىعىنىڭ لاۋرەاتى يبراگيم يسا دۇنيە سالدى.

يبراگيم يسا 1949 جىلى 7 قاڭتاردا قىزىلوردا وبلىسىنا قاراستى سىرداريا اۋدانىنىڭ جەتىكول اۋىلىندا تۋعان. قازاق مەملەكەتتىك ۋنيۆەرسيتەتىنىڭ جۋرناليستيكا فاكۋلتەتىن سىرتتاي وقىپ بىتىرگەن. سىرداريا اۋداندىق گازەتىندە ادەبي قىزمەتكەر، قىزىلوردا وبلىستىق حالىق شىعارماشىلىعى ۇيىندە نۇسقاۋشى-ادىستەمەشى، قازاقستان جازۋشىلار وداعىنىڭ كوركەم ادەبيەتتى ناسيحاتتاۋ بيۋروسىندا ءتىلشى-ادىسكەر، «ارا» جۋرنالىندا فەلەتونشى، «جالىن» الماناحىندا رەداكتور، «ساحنا-ستسەنا» جۋرنالىندا باس رەداكتور، «ساقشى - نا ستراجە» گازەتىندە، «اراي» جۋرنالىندا ءبولىم مەڭگەرۋشىسى بولىپ قىزمەت ىستەگەن.

ولەڭدەرى بىرقاتار شەتەل تىلدەرىنە اۋدارىلعان. «التىن سىرعا»، «تاڭ الدىنداعى ءان»، «تەربەلەدى قايىڭدار»، «جانىمنىڭ جارىعى» ولەڭدەر جيناعىنىڭ، كوپتەگەن ءان ماتىندەرىنىڭ اۆتورى. ء«ان-اعا» اتتى ءان البومى شىققان. كومي اقىنى ي.كۋراتوۆ، ورىس اقىنى ن.رۋبتسوۆ ولەڭدەرىن قازاقشا سويلەتكەن.

اقىندى اقتىق ساپارعا شىعارىپ سالۋ شاراسى الماتى قالاسىندا، 29 جەلتوقسان، دۇيسەنبى كۇنى تاڭەرتەڭگى 10:00-دا جازۋشىلار وداعىندا وتەدى.

اباي-اقپارات.

0 پىكىر