ۇكىمەت ۇشەمدەرگە ءۇي بەرۋدەن باس تارتتى

اقشانىڭ جوقتىعىن سىلتاۋراتقان ۇكىمەت ۇشەمدەرگە ءۇي بەرۋدەن باس تارتتى. ەندى دۇنيەگە ۇشەم اكەلگەن وتباسىلارعا باسپانا ءبولۋ بولمەۋدى اكىمدەر شەشەتىن بولدى.ۇكىمەت ۇشەمدەرگە ءۇي بەرۋدەن باس ءتارتتىتىپتى بۇل تالاپ "تۇرعىن ءۇي قاتىناستارى جونىندەگى" زاڭ جوباسىنا ەنگىزىلمەك. سابيلەرگە كەلگەندە ساراڭدىق تانىتقان مينيسترلەر كابينەتى وسىلايشا پاتەر ماسەلەسىن شەشۋدى جەرگىلىكتى اكىمدىكتەرگە ىسىرىپ وتىر.وسىدان ءبىر اي بۇرىن سەناتور قۋانىش ايتاحانوۆ دۇنيەگە ۇشەم اكەلگەن وتباسىنا كەزەكسىز ءۇي بەرىلسىن دەپ پرەمەر-مينيسترگە ساۋال جولداعان.الايدا، دەپۋتاتتىڭ ءسوزى سول ايتىلعان مىنبەردەن ارىعا اسا العان جوق. ويتكەنى ۇكىمەتتە ۇشەمدەرگە كەزەكسىز پاتەر بولەتىن ارتىق اقشا جوق ەكەن.قارجى تاپشى دەپ جالتارعان ەلوردالىق شەنەۋنىكتەردىڭ ايتۋىنشا، ۇشەمى بار جانۇيالارعا اكىمدەر قارايلاسۋى كەرەك. ءبىر قىزىعى، اكىمدەردىڭ تەك جەرگىلىكتى قازىنادا باسى ارتىق اقشا قالعان جاعدايدا عانا قولۇشىن بەرۋگە قۇقى بار."بيۋدجەتتىڭ جاعدايى بولماسا، بەرىلمەيدى. ءبىز قۇقىق بەرەمىز، الايدا پاتەر بەرۋ بەرمەۋدى اكىمدەر شاماسىنا قاراپ انىقتايدى", - دەدى  ۇلتتىق ەكونوميكا ۆيتسە-ءمينيسترى قايىربەك وسكەنباەۆ.

دەرەككوز: news.nur.kz

ۇشەم تۋعان اناعا بەرەتىن ۇكىمەتتە اقشا جوق

كۇللى الەم "باسى ارتىق شىعىن" سانايتىن ەكسپو-نى وتكىزۋگە – اقشا جەتەدى-ءمىس;
بۇكىل ازيا الاپەستەي ۇركىپ، ءبىر-بىرىنە سىلتەپ، قاشقاقتاپ وتىرعان ۋنيۆەرسيادانى وتكىزۋگە – اقشا جەتەدى ەكەن;
نورۆەگيا، شۆەتسيا سەكىلدى قارلى-شىڭدى ەلدەر ات-توندارىن الا قاشىپ وتىرعان، بيۋدجەتى كوپ اق وليمپيادانى (2022 جىلعى، ءالى العانىمىز جوق، بىراق ءۇمىت مول) ۇيىمداستىرۋعا قاراجات جەتكىلىكتى كورىنەدى;
ءبارىن ونسىز دا ءبىر-اق كىسى كىسى شەشەتىن ەلدە جۇزدەن استام «ارامتاماق»-دەپۋتاتتى اسىراپ، باعىپ-قاعۋعا قارجى بارشىلىق دەسەدى;
پاراقورلىق-جەمقورلىق جونىنەن الەمدەگى ەڭ وزىق 30 ەلدىڭ قاتارىنا ەركىن ەنەتىن ەلدە ميلليوندار (تەڭگەمەن ەمەس) جىمقىرىلىپ، ميللياردتار (تاعى دا تەڭگەمەن ەمەس) شەتەل اسىپ جاتىر;
مەملەكەتتىك لاۋازىمدى ورىننان باستاپ، الىستاعى اۋىل مەكتەبىنىڭ ەدەن جۋشىسىنا دەيىن جۇمىسقا تۇرۋدىڭ ءوز پرەيسكۋرانت-باعاسى بار مەملەكەتتە ءبىر عانا قىزمەت سالاسىندا قىرۋار قاراجات «اينالىپ ءجۇر»...
بىراق وسى ەلدە ۇشەم تۋعان اناعا – قازاقتىڭ سانىن كوبەيتىپ جاتقان وتباسىعا ءۇي بەرۋگە ۇكىمەتتە اقشا جوق ەكەن!
ءبىر كەم دۇنيە...

ساكەن سىبانبايدىڭ فەيسبۋكتەگى پاراقشاسىنان الىندى