استانا. 14 مامىر. قازتاگ - ايگۇل تۇلەكباەۆا. استانادا ەكونوميكالىق دامۋ جانە ساۋدا مينيسترلىگى، ەكىنشى دەڭگەيلى بانكتەر، قازاقستان قارجىگەرلەرىنىڭ قاۋىمداستىعى، «دامۋ» كاسىپكەرلىكتى دامىتۋ قورى، بارلىق وبلىستاردىڭ اكىمدىكتەرى پرەمەر-مينيستر كارىم ءماسىموۆتىڭ قاتىسۋىمەن «بيزنەستىڭ جول كارتاسى - 2020» باعدارلاماسى شەڭبەرىندەگى ىنتىماقتاستىق تۋرالى كەلىسىمدەرگە قول قويدى.

كەلىسىمدەر بيزنەس ءۇشىن نەسيەلەر بويىنشا سىياقى مولشەرلەمەلەرىن سۋبسديالاۋعا جانە ەدب نەسيەلەرىن كەپىلدەندىرۋگە قاتىستى.

«بۇل قۇجاتتار باعدارلامانىڭ بارلىق قاتىسۋشىلارىنا تەڭ مۇمكىندىكتەر بەرىپ، كورسەتىلەتىن مەملەكەتتىك قولداۋ شارالارىنىڭ اشىقتىعىن، ترانسپارەنتتىلىگىن قامتاماسىز ەتۋگە باعىتتالعان»، - دەدى ەكونوميكالىق دامۋ جانە ساۋدا ءمينيسترى جانار ايتجانوۆا جۇما كۇنى قول قويۋ ءراسىمى بارىسىندا.

ءوز كەزەگىندە ۇكىمەت باسشىسى مەملەكەتتىڭ مىندەتى «بيزنەسكە بيزنەس-شەشىمدەردى قابىلداۋ وڭاي بولۋى ءۇشىن جاعداي جاساۋ» ەكەنىن اتاپ كورسەتتى.

«بۇگىنگى كۇننەن باستاپ بيزنەستىڭ سۋبسيديالانعان مولشەرلەمەمەن وسى رەسۋرستاردى بانكتەردەن الۋ مۇمكىندىگى  بار»، - دەدى ك. ءماسىموۆ. ول بيلىكتىڭ، بيزنەستىڭ، قاۋىمداستىقتاردىڭ، بانك سەكتورىنىڭ جۇمىلا اتقارعان جۇمىسىنا «الداعى ەكونوميكالىق دامۋىمىز بايلانىستى بولادى» دەپ اتاپ ءوتتى.

استانا. 14 مامىر. قازتاگ - ايگۇل تۇلەكباەۆا. استانادا ەكونوميكالىق دامۋ جانە ساۋدا مينيسترلىگى، ەكىنشى دەڭگەيلى بانكتەر، قازاقستان قارجىگەرلەرىنىڭ قاۋىمداستىعى، «دامۋ» كاسىپكەرلىكتى دامىتۋ قورى، بارلىق وبلىستاردىڭ اكىمدىكتەرى پرەمەر-مينيستر كارىم ءماسىموۆتىڭ قاتىسۋىمەن «بيزنەستىڭ جول كارتاسى - 2020» باعدارلاماسى شەڭبەرىندەگى ىنتىماقتاستىق تۋرالى كەلىسىمدەرگە قول قويدى.

كەلىسىمدەر بيزنەس ءۇشىن نەسيەلەر بويىنشا سىياقى مولشەرلەمەلەرىن سۋبسديالاۋعا جانە ەدب نەسيەلەرىن كەپىلدەندىرۋگە قاتىستى.

«بۇل قۇجاتتار باعدارلامانىڭ بارلىق قاتىسۋشىلارىنا تەڭ مۇمكىندىكتەر بەرىپ، كورسەتىلەتىن مەملەكەتتىك قولداۋ شارالارىنىڭ اشىقتىعىن، ترانسپارەنتتىلىگىن قامتاماسىز ەتۋگە باعىتتالعان»، - دەدى ەكونوميكالىق دامۋ جانە ساۋدا ءمينيسترى جانار ايتجانوۆا جۇما كۇنى قول قويۋ ءراسىمى بارىسىندا.

ءوز كەزەگىندە ۇكىمەت باسشىسى مەملەكەتتىڭ مىندەتى «بيزنەسكە بيزنەس-شەشىمدەردى قابىلداۋ وڭاي بولۋى ءۇشىن جاعداي جاساۋ» ەكەنىن اتاپ كورسەتتى.

«بۇگىنگى كۇننەن باستاپ بيزنەستىڭ سۋبسيديالانعان مولشەرلەمەمەن وسى رەسۋرستاردى بانكتەردەن الۋ مۇمكىندىگى  بار»، - دەدى ك. ءماسىموۆ. ول بيلىكتىڭ، بيزنەستىڭ، قاۋىمداستىقتاردىڭ، بانك سەكتورىنىڭ جۇمىلا اتقارعان جۇمىسىنا «الداعى ەكونوميكالىق دامۋىمىز بايلانىستى بولادى» دەپ اتاپ ءوتتى.

«بانكتەردە قارجى بار، زاەمشىلار بار، پايىزدىق مولشەرلەمە - 7% - بۇل ەڭ تومەنگى مولشەرلەمە ...ەو-دا مۇنداي مولشەرلەمەمەن نەسيە الۋعا بولادى دەپ ويلامايمىن، ياعني بارلىق جاعداي جاسالعان. ەندى ءبارى بيزنەستىڭ قولىندا»، - دەپ اتاپ ءوتتى ك. ءماسىموۆ.

بۇرىن حابارلانعانداي، 13 ساۋىردە ۇكىمەت كاسىپكەرلىك سۋبەكتىلەرىنە مەملەكەتتىك قولداۋ شارالارىن قاراستىراتىن «بيزنەستىڭ جول كارتاسى - 2020» باعدارلاماسىن بەكىتتى.

2010 جىلى ونى جۇزەگە اسىرۋعا ت30 ملرد-تان اسا قارجى باعىتتالادى. باعدارلامانىڭ ءبىرىنشى باعىتى - جاڭا بيزنەس باستامالاردى قولداۋعا ونىڭ ت12 ملرد، ەكىنشى باعىت - كاسىپكەرلىك سەكتوردى ساۋىقتاندىرۋعا ت16 ملرد، ءۇشىنشى باعىت - ەكسپورتقا باعىتتالعان وندىرىستەردى قولداۋعا  ت2 ملرد جۇمسالادى.

ءبىرىنشى باعىت شەڭبەرىندە مەملەكەت جاڭا ينۆەستيتسيالىق جوبالاردى جۇزەگە اسىرۋعا بەرىلەتىن نەسيەلەر، سونداي-اق، ءوندىرىستى جاڭارتۋ جانە كەڭەيتۋ ءۇشىن بۇرىن بەرىلگەن نەسيەلەر بويىنشا پايىزدىق مولشەرلەمەنى سۋبسيديالايدى. سۋبسيديالاۋ نەسيەلەر بويىنشا جىلىنا 12% مولشەرلەمەمەن بەرىلەدى، باعدارلامانىڭ قاتىسۋشىسى ونىڭ 7%-ىن تولەيدى، 5%-ىن مەملەكەت وتەيدى.

ەكىنشى باعىت بويىنشا بۇرىن بەرىلگەن جانە نەسيە بويىنشا قارىزى بار بيزنەس وكىلدەرىنىڭ جاڭا زايمدارى بويىنشا نەسيەلىك مولشەرلەمەنى سۋبسيديالاۋ جوسپارلانعان. ونداي كاسىپكەرلەرگە جەكە كىرىس سالىعىنان باسقا، سالىق جانە بيۋدجەتكە باسقا دا مىندەتتى تولەمدەر بويىنشا وسىماقى ەسەپتەلمەي، 3 جىلعا دەيىن ۋاقىت بەرىلەدى.

ءۇشىنشى باعىت بويىنشا مەملەكەت ءوز ءونىمىن ەكسپورتقا شىعاراتىن كاسىپكەرلىك سۋبەكتىلەرىنىڭ نەسيەلەرى بويىنشا 12 پايىزدىق مولشەرلەمەنىڭ 8%-ىن سۋبسيديالايدى. «2011 جىلدان باستاپ سۋبسيديالاۋ كولەمى بانكتىڭ سىياقى مولشەرلەمەسىنىڭ 70%-ىن قۇرايدى»، - دەدى مينيستر.

جۇمىس ىستەپ تۇرعان كەز-كەلگەن كاسىپورىندار جانە باعدارلامانىڭ بارلىق ءۇش باعىتى بويىنشا جاڭا زايمدار سۋبسيديالاۋعا جاتادى. كەپىلدەندىرۋ جارتىلاي جۇزەگە اسىرىلادى جانە كەپىلدەندىرۋدىڭ كولەمى نەسيە سوماسىنىڭ 50%-نان اسپايدى، ياعني ءوتىنىش بەرگەن ءبىر ادامعا ت1,5 ملرد قۇرايدى جانە جاڭا نەسيەلەر بويىنشا جۇزەگە اسىرىلادى. ءوتىنىش بەرۋشى جوبانىڭ جالپى قۇنىنىڭ 15%-نان كەم ەمەس مولشەردە ءوز قارجىسىن سالۋ قاجەت.

اتالعان باعدارلاما قارقىندى يندۋستريالدى-يننوۆاتسيالىق دامۋ مەملەكەتتىك باعدارلاماسى شەڭبەرىندە جۇزەگە اسىرىلادى