قازاقستان كورشى رەسەيگە ەنەرگيا كوزى ءۇشىن كومىر وتىنىن تاسىمالداۋدى توقتاتتى. بۇل سىرتقى نارىققا شىعاراتىن قۋاتتىڭ قۇنىنا قاتىستى قابىلدانعان شەشىم بولىپ وتىر.

رەسەي ەكونوميكاسىندا باستالعان داعدارىس پەن رۋبل باعامىنىڭ قۇلاۋى ورىستار تاراپىنان كورشى ەلدەردەن تاسىمالدايتىن قۋات كوزدەرىنە دەگەن سۇرانىسقا شەكتەۋ قويۋعا اكەلۋى كادىك. قازاقستاندىق ماماندار رەسەيگە جونەلتىلۋى ءتيىس قۋات كوزدەرىنىڭ توقتاتىلۋىن، ولاردىڭ تولەم قابىلەتىنىڭ تومەندەۋىمەن تۇسىندىرەدى. الايدا، ماسەلەنىڭ ەكىنشى ۇشى بارى تاعى انىق. سەبەبى، رەسەي ۇكىمەتى ءوزىنىڭ ىشكى نارىعىن جەرگىلىكتى كومىر ءوندىرىسى ارقىلى تولىق قامتيتىن جاعدايعا جەتۋگە كۇش سالۋدا. قازاقستاندىق ەنەرگياعا دەگەن سۇرانىستىڭ تومەندەۋىنىڭ ءبىر سەبەبى وسىندا جاتسا كەرەك.

ايتپاقشى، بىلتىرعى جىلى قازاقستاننان رەسەيگە باعىتتالعان ەنەرگەتيكالىق يمپورتتىڭ مولشەرى 3,9 ملرد. كيلوۆاتت/ ساعاتتى قۇراعان.