قازاقتا تاۋ كوتەرەر تولاعايلار از بولماعان. ءبىر عاسىر وتسە دە بالۋان شولاق بابامىزدىڭ "كوتەردىم ەلۋ ءبىر پۇت كىردىڭ تاسىن" دەگەن ءسوزىن مالدانىپ كەلدىك. رەسمي تىركەلمەگەن رەكورد بولماعان سوڭ سول عوي. ءومىر دەگەن قىزىق . ەندى مىنە سول بابامىزدىڭ اتىنداعى سارايدا قازاقتىڭ قارشاداي ۇلى بۇكىل دۇنيەنى تاڭ قالدىرىپ، اۋىر اتلەتيكادان الەم چەمپيونى اتاندى. بوركىمiزدi اسپانعا اتتىق. قۋاندىق. كوزىمىزگە جاس الدىق. ويتكەنى ول - قازاق دەيتىن حالىقتان شىققان اۋىر اتلەتيكادان وتكەن الەمدىك دودانىڭ تۇڭعىش جەڭىمپازى. تۇڭعىشقا قانداي جاقسىلىق جاساساڭىز دا جاراسىمدى ەمەس پە؟ ءدۇبىرلى جارىس اياقتالعالى دا بىرنەشە كۇن ءوتتى. جەڭىمپازدار ماراپاتتارىن الىپ جاتىر. يلياجان قىزىلورداسىنان تەمىر تۇلپار ءمىنىپ قايتتى. وڭتۇستىك قازاقستان جازيرا جاپپارقۇلعا سىي-سىياپاتىن كورسەتىپ جاتىر. ال، ءبىزدىڭ تۇڭعىشىمىزعا- جاسۇلان قىدىرباەۆىمىزعا بىرەۋ قۇرمەت كورسەتىپتى دەگەندى ەستىمەدىك. ءوزى جامبىل وبلىسىنىڭ اتىنان سىنعا ءتۇسىپتى. الماتى وبلىسىنىڭ تۋماسى ەكەن. جەتىسۋ ءوڭىرى مەن تاراز جاق ويلانىپ جاتقان بولار. مەنىڭ ايتپاعىم ول ەمەس. مۇنداي باتىردى بۇكىل قازاق دالاسى الاقانىنا سالسا دا ارتىق بولماس ەدى عوي. ..نەگە ۇندەمەي جاتىرمىز؟ جەڭىس ورتاق، ەل ورتاق ەمەس پە؟

...بۇگىن "حابارداعى " جاندوس ايتبايۇلى ارىپتەسىم چەمپيوننىڭ وتباسىن كورىپ قايتتى. قاراپايىم جاندار. اكە-شەشەسى، جۇبايى، قىزى تالعاردا قۋىقتاي عانا ەكى بولمەدە ءومىر ءسۇرىپ جاتىر. ەشكىمنەن ەشتەڭە سۇراپ، مىندەتسىنىپ وتىرعان جوق. دەگەنمەن...ەل ەمەسپىز بە؟ ول تۇڭعىش قوي!

(ارمان سقابىلدىڭ فەيسبۋكتەگى پاراقشاسىنان)