كەلەسى جىلدان باستاپ قازاقستاندا «ەڭبەك وردەنى» ماراپتى تابىستالا باستايدى. بۇل تۋرالى بۇگىن «جالپىعا ورتاق ەڭبەك قوعامىنا قاراي» اتتى فورۋم بارىسىندا دەنساۋلىق ساقتاۋ جانە الەۋمەتتىك دامۋ ءمينيسترى تامارا دۇيسەنوۆا ءمالىم ەتتى، دەپ حابارلايدى Bnews.kz.
«وتكەن جىلدىڭ قاراشا ايىندا مەملەكەت باسشىسى ەڭبەك كۇنى مەرەكەسىن بەلگىلەپ بەردى. ول كۇن ەندى قىركۇيەك ايىنىڭ سوڭعى جەكسەنبىسىندە مەرەكەلەنەدى. بيىلعى جىلى قازاقستاندا العاش رەت ەڭبەك كۇنى مەرەكەسى وتكەلى وتىر. ول، ارينە، كاسىپكە دەگەن قۇرمەت قانا ەمەس، ەڭ باستىسى ەڭبەك ادامىنا، ونىڭ الەۋمەتتىك كوڭىل-كۇيىنە ايرىقشا نازار اۋدارۋ، باسەكەگە قابىلەتتى جانە قۋاتتى جالپىعا ورتاق ەڭبەك قوعامىن قۇرۋدىڭ شەشۋشى ۇلتتىق فاكتورى رەتىندە ەڭبەكتى مويىنداۋ بولىپ تابىلادى. پرەزيدەنت ءوزىنىڭ «قازاقستاندى الەۋمەتتىك جاڭعىرتۋ: جالپىعا ورتاق ەڭبەك قوعامىنا قاراي 20 قادام» اتتى ماقالاسىندا بارلىق قازاقستاندىقتاردىڭ ءال-اۋقاتىنىڭ جاقسى بولۋىن تەك قانا ەڭبەك قامتاماسىز ەتە الادى دەپ اتاپ وتكەن بولاتىن»،- دەدى ءوز سوزىندە دەنساۋلىق ساقتاۋ جانە الەۋمەتتىك دامۋ ءمينيسترى تامارا دۇيسەنوۆا.
ء«بىز زاڭعا وزگەرىس ەنگىزدىك. وتكەن جىلى پرەزيدەنت «ەڭبەك ارداگەرى» جانە «ەڭبەك وردەنى» دەگەن مەدالدار بەرۋ جونىندەگى تاپسىرما بەرگەن. «ەڭبەك ارداگەرى» مەدالى بيىل ءبىرىنشى رەت تاپسىرىلىپ وتىر، قازىر قاجەتتى زاڭدار دايىندالعان. كەلەسى جىلى پارلامەنتتە قارالعاننان كەيىن، ەلباسى بەكىتكەننەن كەيىن ول وردەن دە ءوز يەلەرىن تابادى»،-دەدى مينيستر.
اباي-اقپارات
