جۇما, 29 ناۋرىز 2024
بيلىك 7193 0 پىكىر 22 قىركۇيەك, 2014 ساعات 11:34

بۇگىن - قازاقستان حالقىنىڭ تىلدەر كۇنى مەرەكەسى

بۇگىن - قازاقستان حالقىنىڭ تىلدەرى كۇنى. 1998 جىلدىڭ 20 قاڭتارىندا ەلىمىزدە قر پرەزيدەنتى نۇرسۇلتان نازارباەۆتىڭ جارلىعىمەن 22 قىركۇيەك - قازاقستان حالقى تىلدەرىنىڭ كۇنى بولىپ جاريالاندى. 

جىل سايىن بۇل مەرەكەنى قازاقستاندا تۇراتىن ۇلت وكىلدەرى مەن ۇلىستار تويلاپ كەلەدى. اتاپ ايتقاندا، قازاقستاندا 100-دەن اساتىن ۇلتتاردىڭ ءبىرازىندا ءوز تىلدەرىن وقىتاتىن مەكتەپتەرى بار جانە ولاردى مادەني-رۋحاني قولداۋ باعىتىندا قازاقستان حالقى اسسامبلەياسى دا جۇمىس ىستەپ تۇر.

الايدا ءبىر كۇننىڭ ىشىندە، ارينە، قازاقستان رەسپۋبليكاسىنىڭ اۋماعىندا تۇرىپ جاتقان ونداعان حالىقتاردىڭ بۇل باعىتتاعى جەتىستىكتەرىن كورسەتۋ مۇمكىن ەمەس. سوندىقتان بارلىق وبلىستاردا تىلدەر اپتالىقتارى، ونكۇندىكتەرى، ايلىقتارى، فەستيۆالدارى وتەدى. ەلىمىزدەگى بىرلىك پەن كەلىسىمدى بىلدىرەتىن شارالار اياسىندا ونەر شەبەرلەرىنىڭ كونتسەرتتەرى، تىلدەردى مەڭگەرۋ بويىنشا كونكۋرستار، دوڭگەلەك ۇستەلدەر مەن عىلىمي كونفەرەنتسيالار وتەدى.

سونىمەن قاتار بۇگىندە قازاقستاندا ۇلتتىق ءالىپبيدى لاتىن قارپىنە كوشىرۋ ءۇردىسى اياسىندا ءتيىستى جۇمىستار اتقارىلىپ جاتىر. «قازاق ءتىلى - ءبىزدىڭ رۋحاني نەگىزىمىز.ءبىزدىڭ مىندەتىمىز - ونى بارلىق سالادا بەلسەندى پايدالانا وتىرىپ دامىتۋ. ءبىز ۇرپاقتارىمىزعا بابالارىمىزدىڭ سانداعان بۋىنىنىڭ تاجىريبەسىنەن ءوتىپ، ءبىزدىڭ دە ۇيلەسىمدى ۇلەسىمىزبەن تولىعا تۇسەتىن قازىرگى ءتىلدى مۇراعا قالدىرۋعا ءتيىسپىز.  بۇل - ءوزىن قادىرلەيتىن ءاربىر ادام دەربەس شەشۋگە ءتيىس مىندەت. مەملەكەت ءوز تاراپىنان مەملەكەتتىك ءتىلدىڭ پوزيتسياسىن نىعايتۋ ءۇشىن كوپ جۇمىس اتقارىپ كەلەدى. قازاق ءتىلىن كەڭىنەن قولدانۋ جونىندەگى كەشەندى شارالاردى جۇزەگە اسىرۋدى جالعاستىرۋ كەرەك. ءبىز 2025 جىلدان باستاپ ءالىپبيىمىزدى لاتىن قارپىنە، لاتىن الىپبيىنە كوشىرۋگە كىرىسۋىمىز كەرەك. بۇل - ۇلت بولىپ شەشۋگە ءتيىس ءپرينتسيپتى ماسەلە. ءبىر كەزدە تاريح بەدەرىندە ءبىز مۇنداي قادامدى جاساعانبىز. بالالارىمىزدىڭ بولاشاعى ءۇشىن وسىنداي شەشىم قابىلداۋعا ءتيىسپىز جانە بۇل الەممەن بىرلەسە تۇسۋىمىزگە، بالالارىمىزدىڭ اعىلشىن ءتىلى مەن ينتەرنەت ءتىلىن جەتىك يگەرۋىنە، ەڭ باستىسى - قازاق ءتىلىن جاڭعىرتۋعا جاعداي تۋعىزادى»، - دەلىنگەن ەلباسىنىڭ جولداۋىندا.

بۇگىنگى كۇنى قازاقستاندا تۇراتىن باسقا ۇلت وكىلدەرى مەن قازاق ازاماتتارى مەملەكەتتىك ءتىل - قازاق ءتىلىن مەڭگەرۋگە زەيىن قويىپ، قازىرگى ۋاقىتتا مەملەكەتتىك تىلدە ەركىن سويلەۋدى ماقسات ەتىپ وتىر.

بيىل تىلدەر مەرەكەسى  اياسىندا ەلىمىزدىىڭ تۇكپىر-تۇكپىرىندە ءتۇرلى ءىس-شارالار ءوتتى. قر مادەنيەت جانە سپورت مينيسترلىگى تىلدەردى دامىتۋ جانە قوعامدىق-ساياسي جۇمىس كوميتەتىنىڭ ۇيىمداستىرۋىمەن ەلورداداعى «كونگرەسس - حولل» سارايىندا مەملەكەتتىك ءتىل مەرەكەسىنە ارنالعان «ماڭگىلىك ەل - مارتەبەلى ءتىل» شاراسى ءوتتى. 5 قىركۇيەكتە اشىلۋ سالتاناتىنان باستاۋ العان قازاقستان حالقى تىلدەرىنىڭ ءحVى قالالىق فەستيۆالى اياسىندا «ۇزدىك جارناما»، ء«تىل - حالىق جانىن تانۋدىڭ كىلتى»، «مەملەكەتتىك ءتىل - مەملەكەتتىك قىزمەتتە» اتتى بايقاۋلار، جاس اقىندار ءمۇشايراسى، وتان - وتباسىنان باستالادى» اتتى مەرەكەلىك شارا، «كەمەل ءتىلدىڭ كەلەشەگى» اتتى اكتسيا وتكىزىلدى. 

سونداي-اق كوكشەتاۋدا تىلدەر ايلىعى اياسىندا «حالىقتار دوستىعىنىڭ التىن كىلتى» قالالىق فەستيۆال ءوتىپ، بىرقاتار ءتىل جاناشىرلارى قالا اكىمىنىڭ العىس حاتتارىمەن ماراپاتتالدى. 

ال قاراعاندىدا كەنشىلەر مادەنيەت سارايىندا ء«تىل جاناشىرى» بايقاۋىنىڭ جۇلدەگەرلەرىنە وبلىس اكىمىنىڭ سىيلىعىن تابىستاۋ ءراسىمى بولدى.وبلىس اكىمى نۇرمۇحامبەت ابدىبەكوۆ اتاپ وتكەندەي، وڭىردە وسىمەن ءۇشىنشى رەت وتكىزىلىپ وتىرعان بايقاۋ مەملەكەتتىك ءتىل ساياساتىن جۇزەگە اسىرۋعا باعىتتالعان. ۇيىمداستىرۋشىلار ءمالىم ەتكەندەي، بيىل بايقاۋعا قاتىسۋعا 50 ءوتىنىم تۇسكەن، ونىڭ 18 كونكۋرسقا قاتىستىرىلعان. قازىلار القاسى ءتۇرلى اتالىمدار بويىنشا 6 جەڭىمپازدى انىقتادى.

قازاقپارات

 

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1581
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3610