بەرىك سۇلتاننىڭ  دارىن مۇباروۆتان العان سۇحباتى  oishogyr.kz سايتىندا  جاريالاندى. بۇل سۇحباتىندا ءبىراز نارسە ايتىلىپتى. ءبىر قىزىعى "ەل قۇلاعىندا" جۇرگەن سۇراقتارعا اشىق تۇردە جاۋاپ بەرگەن. دەمەك بۇل قوعامنىڭ دارىن جايىندا "الىپ-قاشپالارعا" ابدەن ەتى ۇيرەنىپ العانىن بىلدىرەدى. مۇنىڭ جاۋابىن اشىق تۇردە بىلدىرۋگە ۋاقىت جەتتى دەگەن ءسوز. ءدال قازىرگى ۋاقىتتا سۇحبات توڭىرەگىندە پىكىرلەر ەكى ايىرىلادى. دارىن ءوزىنىڭ بارىنشا اق ەكەنىن، ونىڭ ەشقانداي كىناسى، قازاققا زيانى جوق ايتىپ اقتالعان. بالكىم، ستسەناري بولۋى مۇمكىن، بۇگىنگە دەيىن تەرىس، كۇماندى پىكىردە جۇرگەن ادامداردىڭ دارىننىڭ قولىن قايتا الىپ جاتقاندىعى بايقالادى. ال بەرىك باۋىرعا كوپ راحمەتىن ايتقان. ال بەرىك كوپشىلىكتىڭ كوكەيىندە جۇرگەن سۇراقتاردى قويدىم دەپ وتىر. ەكىنشى جاعىنان دارىننىڭ جاقسى جاعىن كورسەتىپ، جارناما جاساپ وتىرعاندىعىن دا ءبىلىپ وتىر ءوزى. ءبىر قاراعاندا بارلىعى دۇرىس بولۋى مۇمكىن. سەبەبى سۇقباتتا "اللاھ" ءسوزىنىڭ "اللا" دەپ بەرىلۋى تۇسىنىكتى شىعار. ەگەر دارىن سونداي تازا بولسا، وندا نەگە ونىڭ ايتقانىمەن جۇرگەن جىگىتتەردىڭ "تىرلىگى" تۇسىنىكسىز؟؟؟ 
سول ءۇشىن ءدال قازىرگى ۋاقىتتا دارىنمەن اقيدا-سەنىم، ءبىر ءمازحاب ۇستانۋ، اللا تاعالا جايىنداعى تۇسىنىك، "اۋليە انبيەلەر قازاقتى ءبولدى" دەگەن پىكىردىڭ قايدان شىققانى جايلى، سوپىلىق، ساقال-بالاق، نامازدىڭ ءتۇرلى-ءتۇستى وقىلۋى، ت.ب. قازاقتى ءدىني تۇرعىسىنان بولگەن سۇراقتار توڭىرەگىندە سۇقبات جۇرگىزگەن ابزال. بىلە-بىلسەڭىزدەر، ءدال بۇگىنگى سۇحباتتى وسىدان 5-6 جىل بۇرىن الۋ قيىن ەدى). راس ايتامىن. جوعارىدا ايتىپ وتكەندەي ءدال قازىر وسى سۇراقتار جايىندا سۇقباتتاسىپ پىكىر الماسپاسا، 5-6, بالكىم 10 جىلدان سوڭ كەش بولادى. ءتۇسىنىپ وتىرعان شىعارسىز. نەمەسە دارىننىڭ اقيداسىنا كۇمان كەلتىرگەن قمدب وكىلىمەن جوعارىداعى تاقىرىپتاردا "باتل" جاساسىڭ. وكتامدار دا جاساپ جاتىر عوي...

بەرىك باۋىرىما ەرەكشە ايتارىم، "توقسانىنشى جىلدارىڭ توڭى جىبىمەي تۇرعان كەزدە ەلىمىزدىڭ رۋحاني احۋالى دا قاتتى جۇدەپ كەتكەن ەدى." وسىنداي پىكىر ايتۋدى قويايىقشى. راس شىعار. بىراق وسى ءبىر "وي" قازىر 90 جىلدارى كىرگەن سەكتالاردىڭ قۇرالىنا اينالعان. ماعىناسى وزگەرگەن.

باۋىرجان كاريپوۆ.