بۇگىندە اكىم دەگەن اتاۋ قىلمىسكەر دەگەن ءسوزدىڭ بالاماسى سەكىلدى بولىپ ەستىلەدى. ەكى كۇننىڭ بىرىندە اكىمدەر (مەملەكەتتىك قىزمەتكەرلەر) مەن ۇلتتىق كومپانيالاردىڭ باسشىلارى توپ-توپ بولىپ تۇرمەگە توعىتىلىپ جاتىر.

جۋىردا ءبىر ساياساتكەر: «مەملەكەتتىك قىزمەتكەرلەردىڭ كوپ سوتتالعانى سونشالىق، تۇرمەدەن تاعى ءبىر ۇكىمەت قۇرۋ كەرەك سياقتى» – دەپتى. اششى دا بولسا شىندىق. وسىنى كورىپ وتىرىپ، «مەملەكەتتىك قىزمەتكەر» دەگەن اتاۋدى وزگەرتۋ كەرەك شىعار دەپ ويلايسىڭ. زاڭدى بۇزعىش شەنەۋنىكتەر تەك وزدەرىن عانا ماسقارالاپ قويماي، «مەملەكەتتىك قىزمەتكەر» دەگەن اتاۋدىڭ قادىرىن كەتىرىپ جۇرگەنى اركىمگە ايان. مەملەكەتتىڭ تىرلىگىن تۇزەيدى دەگەن ادامنىڭ قىلىعى سونداي بولسا، ول كىمگە ۇلگى؟ 

ونىڭ ۇستىنە قازىر پارا العاندار مەن قوعام قارجىسىن جىمقىرعاندار باس بوستاندىعىنان ايىرىلماي، ايىپپۇلمەن عانا قۇتىلاتىن زاڭ ەنگىزىلگەلى بەرى، شەنەۋنىك شىركىندەردىڭ اراندارى ءتىپتى اشىلىپ كەتكەن سەكىلدى.

وسىدان تۋرا ءبىر اي شاماسىندا قوستاناي قالاسى اكىمىنىڭ ەكى ورىنباسارى ماقسۇت قاليەۆ پەن فرۋنزيك اراكەليان ارالارىنا ءۇش كۇن سالىپ تۇتقىندالعان بولاتىن. اراكەليانعا 300 مىڭ تەڭگە كولەمىندە پارا الىپ، قىزمەتىن اسىرا پايدالاندى دەگەن ايىپ تاعىلسا، قاليەۆ گاگيك وۆانيان دەگەن كاسىپكەردەن 13 ميلليون تەڭگە پارا العان دەيدى.

قاراڭىزشى، قازاقستان ءۇشىن اراكەليان دەگەندەر كىم؟ قۇدايعا كۇنالى بولساق تا ايتايىق، بۇلاردىڭ كوبى كەشە عانا بازاردا كاۋاپ ساتىپ جۇرگەندەر. قازاقستاننىڭ تاريحىنان، سالت-داستۇرىنەن حابارسىز اراكەليانداردى ەلدىڭ ەرتەڭى دەگەن تۇسىنىكتىڭ قۇنى ءبىر-اق تيىن. وعان قالتاسىن تولتىرىپ السا بولدى. سوندا بۇل ادام قالاي مەملەكەتتىك قىزمەتكە بارعان؟ كىم ونى تاعايىنداعان؟ جارايدى، ول ۇستالدى دەلىك. بىراق ەرتەڭ ونىڭ ورنىنا تاعى دا ءبىر اراكەليان كەلمەسىنە كىم كەپىل؟ جانە ولاردى تاعايىندايتىن جوعارىدا وتىرعان سول باياعى ءوزىمزدىڭ پاراقور قانداستارىمىز. ولارعا اقشا بەرسە بولدى، قىتايدىڭ جۇمىسشىسىن دا اكەلىپ تاعايىنداي سالادى.

ءسويتىپ، ەكى ورىنباسارى بىردەي ۇستالىپ جاتقاندا، قوستاناي قالاسىنىڭ اكىمى احمەتبەك احمەتجانوۆتىڭ ءوزى نە بولار ەكەن دەپ جۇرگەن ەدى حالىق. كەشە احمەتجانوۆ مىرزانىڭ دا قامالعانىن بىلدىك.

وسىنىڭ بارلىعىن بىرەۋدى تابالاعالى جازىپ وتىرعان جوقپىز. قاراڭىزدارشى، پاراقور شەنۋنىكتەردىڭ كەسىرىنەن 220 مىڭنان ارتىق حالقى بار قوستاناي قالاسى ءبىر-اق كۇندە باسشىسىز قالدى. بۇل وبلىس ءۇشىن توتەنشە جاعداي دەۋگە بولادى. سەبەبى كۇنىنە جۇزدەگەن ادام شارۋالارىن ايتىپ اكىمدىككە بارادى. قالانى باسقاراتىن ءۇش بىردەي شەنەۋنىك تۇرمەدە جاتسا، ولاردىڭ ماسەلەسىن كىم شەشىپ بەرەدى سوندا؟ ياعني، قوستاناي قالاسىنىڭ اكىمدىگى الداعى بىرەر ايعا ءبىرجولا جانسىزدانادى دەگەن ءسوز. بۇل مونشا قۋىپ، بۋعا ءتۇسىپ جۇرگەن وبلىس اكىمى نۇرالى سادۋاقاسوۆتى نەگە ويلاندىرمايدى دەيسىڭ.

سايلاۋ بايبوسىن، قوستاناي وبلىسى

Abai.kz