بۇگiنگi باستى مiندەت ءۇشiنشi قالانىڭ سانيتارلىق تازالىعىندا، كورiكتەندiرۋ، كوگالداندىرۋ جۇمىستارىندا بولىپ وتىر. وسى باعىتتا 2014 جىلى كوپقاباتتى ۇيلەر ءۇشiن قويىلعان قوقىس الاڭشالارىن اۋىستىرۋ جۇمىستارىنا 16 ميلليون 975 مىڭ تەڭگە قارجى ءبولiندi. سونىڭ ناتيجەسiندە 53 قوقىس الاڭشاسى اۋىستىرىلىپ، جاڭا ۇلگiدەگi 224 قوقىس جاشiگi ورناتىلدى. بيىل 59 قوقىس جاشiگiن اۋىستىرۋعا 16 ميلليون 766 مىڭ تەڭگە ءبولiنiپ، قۇرىلىس جۇمىستارى جۇرگiزiلدi. 783 كوشەنiڭ 403-iنە سانيتارلىق تازالىق جۇمىستارى ءۇشiن 280 ميلليون 117 مىڭ تەڭگە قارجى قارالعان. بۇگiندە كوپقاباتتى 424 تۇرعىن ءۇيدiڭ اۋلالارى مەن iشكi ورامدىق جولداعى يرريگاتسيالىق جۇيەنi قوقىستان تازارتۋ جۇمىستارى جالعاسۋدا.

جوعارىدا كورسەتiلگەن كوپقاباتتى 424 ءۇي «3-ەنەرگوورتالىق» اق-نىڭ ورتالىقتاندىرىلعان جىلۋ جۇيەسiنە قوسىلعان. سولتۇستiك اۋماققا قاتىستى 174, ورتالىق اۋماقتاعى 250 ۇيگە اكتiلەر ءتۇزiلiپ، قىسىمداۋ جۇمىستارى اياقتالعان. بەكiتiلگەن كەستەگە سايكەس قازاننىڭ 1-iنە دەيiن بارلىق كوپقاباتتى تۇرعىن ءۇي 100 پايىز قىسقى ماۋسىمعا دايىن بولادى.

قىزىلجار، ىنتىماق-1, ىنتىماق-2 ەلدi مەكەندەرiن اۋىزسۋمەن قامتاماسىز ەتۋ ءۇشiن جوبالىق-سمەتالىق قۇجاتتار دايىندالدى. دەمەك، 11364 ءۇي اۋىزسۋمەن قامتىلماق.

«قازاقستان رەسپۋبليكاسىندا 2011-2020 جىلدارى تۇرعىن ءۇي-كوممۋنالدىق شارۋاشىلىعىن جاڭعىرتۋ» باعدارلاماسىن جۇزەگە اسىرۋ بارىسىندا 2013-2014 جىلدارى كوپقاباتتى 17 تۇرعىن ۇيدە كۇردەلi جانە اعىمداعى جوندەۋ جۇمىستارى جۇرگiزiلدi. ال، بيىلعى بiرiنشi كەزەڭ بويىنشا كوپقاباتتى 11 تۇرعىن ۇيدە قۇرىلىس جۇمىستارى ساپالى اياقتالىپ كەلەدi.

اۋدان اۋماعىنداعى كوپقاباتتى تۇرعىن ۇيلەردiڭ اۋلالارىندا جان-جاعىندا قۋراعان اعاش، جابايى ءشوپ بار ەكەنi جاسىرىن ەمەس. قۋراعان بۇتالاردى كەسۋ، جاسىل جەلەكتەردi سانيتارلىق نورمالارعا سايكەستەندiرۋ جۇمىستارىنا 845 مىڭ تەڭگە بولiنگەن. بۇل جۇمىستارمەن «بادام تاس»، «نۇرەكە ازيا بيزنەس» جشس-لەرi كەستەگە سايكەس اينالىسىپ جاتىر. اۋلالار مەن iشكi ورامدىق جولدىڭ تازالىعىنا «ارناۋلى كولiك» جشس-i جاۋاپتى.

اۋدان اۋماعىنا جاڭادان قوسىلعان «اقجار»، «جاڭاتالاپ» تۇرعىن ءۇي الاپتارىنىڭ سانيتارلىق تازالىعىن «ەكوسپەتسترانس» جشس-i جانە «ارناۋلى كولiك» جشس-i باقىلايدى.

وسىلايشا اباي اۋدانى اباتتانىپ كەلەدi.

اباي-اقپارات