جۇما, 27 قاڭتار 2023
اباي.tv 5993 0 پىكىر 27 تامىز, 2015 ساعات 13:33

"كوك بازاردا" باعا شارىقتادى

قالا اكىمىنىڭ ازىق-تۇلىك باعاسىن قىمباتتاتپاۋ تۋرالى تاپسىرماسىنا سايكەس، بازارلاردى قاداعالاۋ جالعاسىپ كەلەدى. وسى رەتتە "الماتى"ارناسىنىڭ تىلشىلەرى وزگەرىستەردى باقىلاپ قايتتى.

 

تەلەارنا تىلشىلەرى ساۋدا ورىندارىنداعى باعانىڭ بىردەي ەمەستىگىن انىقتادى. ماسەلەن، عيماراتتىڭ ءبىرىنشى قاباتىنداعى كاسىپكەر مەن ەكىنشى قاباتتاعى ساۋداگەرلەردىڭ جەمىس-جيدەك، كوكونىستەرىنىڭ قۇنى ءارتۇرلى. ال ءوز كەزەگىندە "كوك بازار" ساۋدا ورتالىعىنىڭ باس اكiمشiسi بوتا قارامولداەۆانىڭ ايتۋىنشا، باعانى زاڭسىز كوتەرگەن ساۋداگەرلەرمەن كەلىسىمشارتتىڭ ۇزىلەتىنىن ايتىپ وتىر. "ەگەر ءبىزدىڭ ساتۋشىلار باعانى زاڭسىز كوتەرسە، ءبىز ولارمەن كەلىسىمشارتتى بۇزامىز",- دەدى قارامولداەۆا. 

ال ساتۋشىلاردىڭ ءبىرى قىمباتتاعان تاۋاردىڭ شەت ەلدەردەن كەلگەنىن ايتادى. "سىرتتان كەلىپ جاتقان زاتتار عوي. كىشكەنە ازايىپ قالسا، باعا قوسىلادى. قازىر كەلىسىنە 200 تەڭگە قوسىلىپ تۇر عوي",- دەدى ساۋداگەر فارحات احتانوۆ.

ايتا كەتەيىك، ءسۇت، كوكونىس، ەت، ماي سىندى حالىق كۇندەلىكتى تۇتىناتىن 33 ءتۇرلى تاعام مەن تاۋار باعاسى وزگەرمەۋى ءتيىس. ال، كوك قاعازدىڭ قىمباتتاۋىن ءتيىمدى پايدالانعىسى كەلگەندەردىڭ ارەكەتى ۇزاققا بارماعان. "قالا اكىمىنىڭ تاپسىرماسى بويىنشا اۋداندا ارنايى شتاب قۇرىلعان. ول شتابقا پروكۋراتۋرا، ىشكى ىستەر دەپارتامەنتى كىرەدى. ءبارىمىز باعالاردى قاراپ جاتىرمىز. كۇنىنە ەكى رەت تەكسەرەمىز. اۋدانىمىزدا ەكى بازار مەن 15 سۋپەرماركەت بار",- دەدى الماتى قالالىق مەدەۋ اۋدانى اكiمiنiڭ ورىنباسارى بەرiك ساعىمبەكوۆ. باقىلاۋشىلاردىڭ ايتۋىنشا، تاۋار وندىرۋشىلەر مەن ونى تاسىمالداۋشى كومپانيالار باعانى وسىرۋگە نيەتتى ەكەن. مۇمكىندىكتى قالت جىبەرمەيتىن مۇنداي مەكەمەلەردە تىزىمگە الىنىپ، جاۋاپقا تارتىلادى.

tengrinews.kz

0 پىكىر

ۇزدىك ماتەريالدار

انىق-قانىعى

جاقيانوۆ: ماعان اشىق جالا جابۋعا كىرىستى...

عالىمجان جاقيانوۆ 3051
ايقاي

ەلدە ۇلتتىق يدەولوگيا وتە ءالسىز...

بەيسەنعازى ۇلىقبەك 1872