اقوردانىڭ ءباسپاسوز قىزمەتiنiڭ حابارلاۋىنشا، ەلباسى ءۇش وبلىستىڭ جيىن-تەرiم ناۋقانىن وتكiزۋگە بايلانىستى دايىندىعىن پىسىقتاپ، اۋىل شارۋاشىلىعىن دامىتۋ باعىتىندا بiرقاتار تاپسىرمالار جۇكتەدi.

ەڭ الدىمەن بەس ينستيتۋتسيونالدىق رەفورماداعى اگرارلىق سەكتوردىڭ ماڭىزدىلىعىنا توقتالدى. ەلدەگi اۋىل شارۋاشىلىعى كووپەراتيۆتەرiن الەمدiك تاجiريبەگە ساي دامىتۋدىڭ، سونداي-اق، بۇل باعىتتاعى جۇمىستاردى شيراتا ءتۇسۋi ءۇشiن ۇلتتىق زاڭناماعا وزگەرiستەر ەنگiزۋدiڭ ماڭىزدىلىعىنا نازار اۋداردى.

– مۇنداعى باستى ماقسات – اۋىل شارۋاشىلىعىنىڭ تيiمدiلiگiن ارتتىرۋ جانە ونى وڭدەۋشi سەكتور ارقىلى ەكسپورتقا شىعارۋ. ول ءۇشiن اۋىل شارۋاشىلىعى ەلدiڭ ەكونوميكالىق ءوسiمiنiڭ قوزعاۋشى كۇشiنە اينالۋى تيiس. وڭدەۋمەن اينالىساتىن ينۆەستورلاردىڭ كەلۋiنە جاعداي جاساۋ، جاڭا يننوۆاتسيالاردى ەنگiزۋ جۇمىستارىن جەدەلدەتۋiمiز قاجەت، – دەدi ن.نازارباەۆ.

بۇگiندە اۋىل شارۋاشىلىعىن دامىتۋعا مەملەكەت زور كوڭiل ءبولiپ وتىر. الايدا، اگرارلىق سەكتور ءالi دە ەكونوميكانى ءارتاراپتاندىرۋدىڭ نەگiزگi تiرەگiنە اينالا قويعان جوق. بۇل ەڭبەك ونiمدiلiگiن ارتتىرۋ، اۋىل شارۋاشىلىعى ءوندiرiسiن كەڭەيتۋ، سالاعا سىرتقى ينۆەستيتسيالاردى تارتۋ جۇمىستارىنداعى سىلبىرلىقتى اڭعارتادى. كەڭەستە ءۇش وبلىستىڭ بەس جىلداعى سۋبسيديا كورسەتكiشتەرiنە توقتالعان ەلباسى اۋىل شارۋاشىلىعىن سۋبسيديالاۋ ماسەلەلەرiنە مۇقيات نازار اۋدارۋ قاجەتتiگiن ورتاعا سالدى. پرەزيدەنت سونىمەن بiرگە اۋىل شارۋاشىلىعى جەرلەرiن پايدالانۋ تيiمدiلiگiن ارتتىرۋدىڭ ماڭىزى ايرىقشا ەكەندiگiن ايتتى. بۇل رەتتە اۋىل جۇرتىنىڭ ەڭبەككە دەگەن ىجداعاتتى كوزقاراسى مەن تيiمدi مەنشiك يەسiن قالىپتاستىرۋدىڭ، سونداي-اق جەرگە قاتىستى مامiلەلەردi جەڭiلدەتۋدiڭ ءمانiن اتاپ ءوتتi.

ەلباسى كەڭەس سوڭىندا ەلiمiزدiڭ اۋىل شارۋاشىلىعى سالاسىنداعى قول جەتكiزگەن تابىستاردى اتاپ، قيىندىقتاردىڭ ۋاقىتشا ەكەنiنە، ولاردى ەڭسەرiپ، دامۋ جولىمەن iلگەرiلەۋگە ەلدەگi جۇزەگە اسىرىلىپ جاتقان باعدارلامالاردىڭ سەپتiگi تيەرiنە سەنiم بiلدiردi.

اباي-اقپارات