كەشە سەرىك احمەتوۆ، باۋىرجان ابدىشەۆ جانە مەيرام سماعۇلوۆ باستاعان «اكىمدەر اللەياسىنىڭ» سوتىنا توراعالىق ەتەتىن ادام دا تابىلدى ايتەۋىر. «تابىلدى ايتەۋىر...» دەپ وتىرعان سەبەبىمىز – بۇعان دەيىن حالىق تاراپىنان جاقسى پىكىرلەر قالىپتاسقان وسىناۋ ۇشتىكتى سوتتاۋ ماسەلەسى «سوتتاعى شەنەۋنىكتەر» ءۇشىن بىرقاتار قيىندىقتار تۋعىزعان بولاتىن. اشىعىن ايتۋ كەرەك، بۇلاردىڭ سوتىنا باسشىلىق جاساۋعا جەرگىلىكتى قاراعاندىلىقتاردىڭ ەشقايسىسى دا ونشا-مۇنشا قۇمارتا قويعان جوق ەدى، ايتسە دە باستالعان ءىستىڭ ايتەۋىر ءبىر اياقتالۋى دا زاڭدىلىق ەمەس پە – ەندى مىنە، قاراعاندى وبلىسى بويىنشا قىلمىستىق ىستەر جونىندەگى اۋدانارالىق سوتىندا ەلىمىزدىڭ ەكس-پرەمەرى سەرىك احمەتوۆكە قاتىستى قىلمىستىق ءىستىڭ تىركەلۋى اياقتالىپ، سوت توراعاسى بولىپ يسلامحان ەسەنباەۆ تاعايىندالدى.

قازىرگى كەزدە وسىناۋ سوت پروتسەسى وتەتىن ءماجىلىس زالى دا (قاراعاندى قالاسى، بۇقار جىراۋ داڭعىلى، 37) انىقتالدى.

ەسىمىزگە تۇسىرە كەتەيىك، جاقىن ارادا وتكىزىلەدى دەپ (كۇنى ازىرگە بەلگىلەنگەن جوق) كۇتىلىپ وتىرعان سوت پروتسەسىندە ايىپتالۋشىلار ورىندىعىنا 21 ادام وتىرماق. ولاردىڭ ىشىندە ەلىمىزدىڭ ەكس-پرەمەرى سەرىك احمەتوۆ، قاراعاندى وبلىسىنىڭ بۇرىنعى اكىمى باۋىرجان ابدىشەۆ، قاراعاندى قالاسىنىڭ بۇرىنعى اكىمى مەيرام سماعۇلوۆ جانە اتالعان اكىمدىكتەر مەن كوممەرتسيالىق ۇيىمداردىڭ بىرنەشە قىزمەتكەرلەرى بار.

مارات ماداليموۆ.

اباي-اقپارات