جۇما, 29 ناۋرىز 2024
بيلىك 5692 0 پىكىر 20 شىلدە, 2015 ساعات 18:04

ەلىمىزدە 10 ترانسۇلتتىق كومپانيا وندىرىستەرىن اشادى

قر ينۆەستيتسيالار جانە دامۋ مينيسترىلىگى 10 ءىرى ترانسۇلتتىق كومپانيالارمەن ىنتىماقتاستىق تۋرالى ناقتى ۋاعدالاستىقتارعا قول جەتكىزدى، دەپ حابارلادى ورتالىق كوممۋنيكاتسيالار قىزمەتىندەگى ءباسپاسوز كونفەرەنتسياسى بارىسىندا ينۆەستيتسيالار دامۋ ءمينيسترى اسەت يسەكەشەۆ.

قازىرگى تاڭدا قازاقستاندا ەكونوميكانىڭ ءوندىرۋشى جانە وڭدەۋشى سەكتورلارىندا تۇك قاتىسۋىمەن 46 ءىرى جوبا جۇمىس جاساپ جاتقانى بەلگىلى. وتكەن جىلى ولار جالپى سوماسى $3,7 ملرد. قۇرايتىن ءونىمدى وندىرگەن بولاتىن.

«ەلباسىنىڭ ەكونوميكانىڭ باسىم سالالارىنا «زاكىرلى» ينۆەستورلاردى تارتۋ جونىندەگى تاپسىرمالارىن ورىنداي وتىرىپ، ءبىز 26 ءىرى شەتەلدىك كورپوراتسيامەن كەلىسسوز جۇرگىزدىك. ولاردىڭ 10-مەن قازاقستاندا جاڭا وندىرىستەردى اشۋ جايلى ناقتى ۋاعدالاستىقتارعا قول جەتكىزىلدى»، - دەدى مينيستر. وسىعان وراي اسەت يسەكەشەۆ وسى جىلى شەتەل كاپيتالىنىڭ قاتىسۋىمەن جەتى جاڭا كاسىپورىن اشىلعانىن ەسكە سالىپ ءوتتى.

«قازاقستان ينۆەستيتسيالاردى سالۋ ءۇشىن ەڭ تارتىمدى ەلدەردىڭ ءبىرى بولىپ تابىلادى. ءبىز وتپەلى ەكونوميكالى مەملەكەتتەر اراسىندا ينۆەستيتسيالىق تارتىمدىلىعى جاعىنان الەمدە ەكىنشى ورىندى الامىز. سونىڭ ناتيجەسى رەتىندە اتاساق، وتكەن جىلى جالپى ينۆەستيتسيالاردىڭ كولەمى 53%-عا ءوستى»، - دەپ قورىتىندىلادى سپيكەر.

ورتالىق تەلەكوممۋنيكاتسيالار قىزمەتى

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1567
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2261
عيبىرات

قايسار رۋحتى عازيز جان

مۇحتار قۇل-مۇحاممەد 3544