الماتى. 25 مامىر. قازتاگ - ءادىل ورمانوۆ. «زەردە» حولدينگى ءۇش جىلدىڭ ىشىندە قازاقستان حالقىنىڭ ەكونوميكالىق بەلسەندى بولىگىنە ەلەكتروندىق ساندىق قولدار (ەسق) بەرۋدى جوسپارلاپ وتىر، دەپ ءمالىم ەتتى «زەردە» ۇلتتىق حولدينگىنىڭ باسقارما توراعاسى ادىلبەك سارسەنوۆ.

«ەلىمىزدىڭ ەكونوميكالىق بەلسەندى حالقى 2-3 جىلدا ەسق الادى دەپ ويلايمىن، - دەدى ءا. سارسەنوۆ قازتاگ اگەنتتىگىنىڭ سۇراعىنا جاۋاپ بەرۋ بارىسىندا.

ونىڭ ايتۋىنشا، قازىرگى ۋاقىتتا 70-80 مىڭ قول تاراتىلدى. «بۇل ازىرگە از. بىراق بۇل قولدار بيىل عانا بەرىلە باستاعانىن ەسكەرۋ قاجەت. تۇركيادا بىرنەشە جىلدىڭ ىشىندە 40 مىڭنان اسا ەلەكتروندىق ساندىق قول بەرىلگەن»، - دەدى ءا. سارسەنوۆ.

«مينيسترلىك بيىلعى جىلعا ءاربىر تۇتىنۋشىعا ەلەكتروندىق قىزمەتتەردى جەتكىزۋ بويىنشا ۇلكەن مىندەت قويىپ وتىر. وسى ەلەكتروندىق قىزمەتتەردى جاپپاي ەنگىزۋ ءۇشىن قاجەت ينفراقۇرىلىمدى 7 جىل بويى دايىندادىق. «قازاقتەلەكوممەن» ازاماتتارعا ەلەكتروندىق ساندىق قولدار الۋعا كومەكتەسۋ تۋرالى ۋاعدالاستىعىمىز بار»، - دەپ ناقتىلادى ول.

قازىرگى ۋاقىتتا ەلەكتروندىق ۇكىمەتتىڭ تولەم شليۋزى تۋرالى ەرەجە دايىندالدى، دەدى حولدينگ باسشىسى.

الماتى. 25 مامىر. قازتاگ - ءادىل ورمانوۆ. «زەردە» حولدينگى ءۇش جىلدىڭ ىشىندە قازاقستان حالقىنىڭ ەكونوميكالىق بەلسەندى بولىگىنە ەلەكتروندىق ساندىق قولدار (ەسق) بەرۋدى جوسپارلاپ وتىر، دەپ ءمالىم ەتتى «زەردە» ۇلتتىق حولدينگىنىڭ باسقارما توراعاسى ادىلبەك سارسەنوۆ.

«ەلىمىزدىڭ ەكونوميكالىق بەلسەندى حالقى 2-3 جىلدا ەسق الادى دەپ ويلايمىن، - دەدى ءا. سارسەنوۆ قازتاگ اگەنتتىگىنىڭ سۇراعىنا جاۋاپ بەرۋ بارىسىندا.

ونىڭ ايتۋىنشا، قازىرگى ۋاقىتتا 70-80 مىڭ قول تاراتىلدى. «بۇل ازىرگە از. بىراق بۇل قولدار بيىل عانا بەرىلە باستاعانىن ەسكەرۋ قاجەت. تۇركيادا بىرنەشە جىلدىڭ ىشىندە 40 مىڭنان اسا ەلەكتروندىق ساندىق قول بەرىلگەن»، - دەدى ءا. سارسەنوۆ.

«مينيسترلىك بيىلعى جىلعا ءاربىر تۇتىنۋشىعا ەلەكتروندىق قىزمەتتەردى جەتكىزۋ بويىنشا ۇلكەن مىندەت قويىپ وتىر. وسى ەلەكتروندىق قىزمەتتەردى جاپپاي ەنگىزۋ ءۇشىن قاجەت ينفراقۇرىلىمدى 7 جىل بويى دايىندادىق. «قازاقتەلەكوممەن» ازاماتتارعا ەلەكتروندىق ساندىق قولدار الۋعا كومەكتەسۋ تۋرالى ۋاعدالاستىعىمىز بار»، - دەپ ناقتىلادى ول.

قازىرگى ۋاقىتتا ەلەكتروندىق ۇكىمەتتىڭ تولەم شليۋزى تۋرالى ەرەجە دايىندالدى، دەدى حولدينگ باسشىسى.

«ءبىز بۇل مەحانيزمدى سالىق، باج سالىعىن تولەۋدە، مەملەكەتتىك ساتىپ الۋلاردى وتكىزۋدە پايدالانباقپىز. مىسالى، قازىرگى كەزدە ەلەكتروندىق ۇكىمەتتىڭ سايتىنا كىرىپ، سالىقتىڭ 120 ءتۇرى بويىنشا تولەم جاساۋعا بولادى. ادىلەت مينيسترلىگىنىڭ سايتىمەن بەلسەندى ينتەگراتسيا جۇرگىزىلىپ جاتىر. قازىر ادىلەت مينيسترلىگىنىڭ كوپتەگەن قىزمەتتەرى بويىنشا ينتەرنەت ارقىلى تولەم جاساۋعا بولادى»، - دەدى ءا. سارسەنوۆ.

ونىڭ اقپاراتىنا سايكەس، 24 مامىرداعى جاعداي بويىنشا، ە-ۇكىمەتتىڭ پورتالى ارقىلى ەڭبەك، ادىلەت جانە قارجى مينيسترلىكتەرىنىڭ 213 مىڭنان اسا ەلەكتروندىق انىقتاماسى بەرىلدى.

«حالىققا قىزمەت كورسەتۋ ورتالىقتارىنا بارماي-اق، انىقتامانى ۇيدە وتىرىپ الۋعا دا بولادى. ءبىز قازىر انىقتامالاردىڭ ءبارىن ۇيدەن شىقپاي الۋ ءۇشىن جاعداي جاساپ جاتىرمىز. بۇل ءۇشىن ەلەكتروندىق قولدى قولدانۋ قاجەت. بۇل ءبىزدىڭ باس اۋرۋىمىزعا اينالدى»، - دەدى ءا.سارسەنوۆ.

سونىمەن قاتار، ول ەلەكتروندىق تاسىمالداۋشىسى بار كۋالىكتەردىڭ الەۋەتىن زاڭداستىرۋ بويىنشا جۇمىستار جۇرگىزىلىپ جاتقانىن جەتكىزدى. «ID-كۋالىكتىڭ چيپىنە ەسق جازىپ قويۋعا بولادى. بۇل تەحنيكالىق تۇردە ۇيىمداستىرىلعان. تەك ونى پايدالانۋدى زاڭداستىرۋ عانا قاجەت»، - دەدى ول.

ەلەكتروندىق تولەمدەر ەلەكتروندىق تولەم جانە نەسيە كارتالارى جۇيەسىنىڭ كومەگىمەن جۇزەگە اسىرىلادى. سونداي-اق، ءىىم ايىپپۇلدارىن قولما-قول تولەم جاساۋ تەرمينالدارى ارقىلى تولەۋ جۇيەسىن ەنگىزۋ شارالارى اتقارىلىپ جاتىر. بۇل جوبا جۇزەگە اسىرىلعان سوڭ تەرمينالدار بارلىق مەملەكەتتىك ورگاندار ءۇشىن سالىقتار، الىمدار، باسقا تولەمدەر بويىنشا تولەماقىلاردى قابىلدايتىن بولادى.

قر ستاتيستيكا جونىندەگى اگەنتتىگىنىڭ رەسمي مالىمەتتەرىنە سايكەس، رەسپۋبليكا ەكونوميكاسىندا 2010 جىلدىڭ ناۋرىزىندا 8,1 ملن ادام جۇمىسپەن قامتىلعان.

قر ۇلتتىق بانكىنىڭ مالىمەتتەرىنە سايكەس، 2010 جىلدىڭ 1 ساۋىرىندەگى جاعداي بويىنشا، بانكتەر 7,8 ملن تولەم كارتالارىن شىعارعان. اتالعان كارتالارىن ۇستاۋشىلاردىڭ سانى 7,4 ملن ادامنان اسادى.