كوپ پارتيالى قازاقستاننىڭ ساياسي تۇرمىسىنا ەندى كوپۇلتتى بىرىككەن «ادىلەت» پارتياسى ەنگەلى جاتىر. اتالعان پارتيا تۋرالى اڭگىمەنىڭ قۇلاعى بۇگىن قىلتيعانىمەن ونىڭ دايىندىعى تىم ارىدەن باستالسا كەرەك، informburo.kz پورتالىنا سۇحبات بەرگەن ولەسيا حالابۋزار:  «قازاقستاندىقتاردىڭ 70 پايىزى ءبىزدى قولدايدى»، - دەپ سوعىپ تۇر. حالابۋزاردىڭ سوزىنە قاراعاندا، قوزعالىس "وبششەستۆو مولودىح پروفەسسيونالوۆ كازاحستانا" دەيتىن اشىق قوعامدىق ۇيىمنىڭ اياسىندا جۇمىسىن باستاپ، پارتيا قۇرماق كورىنەدى. اگاراكي، «ادىلەت» تىركەلە قالسا، ەلىمىزدەگى ساياسي پارتيالاردىڭ سانى 9-عا جەتپەك.

حالابۋزار (سۋرەتتە) بولاشاق «ادىلەت» پارتياسى قارجى-قاراجاتتى كاسىپكەرلەردەن الاتىندىعىن دا جاسىرماي ايتىپ وتىر. كوپۇلتتى پارتيانىڭ قۇرامىندا نۇرتاي مۇستافاەۆ، نۇرلان امرەقۇلوۆ، البان بالعىنباەۆ دەيتىن ساياساتتانۋشىلار بار ەكەن.

حالابۋزار informburo.kz پورتالىنداعى سۇحباتىندا 1,5 مىڭ قازاقستاندىقتىڭ  قازىردىڭ وزىندە بولاشاق ساياسيبىرلەستىكتىڭ قاتارىنا ءوتۋ ءۇشىن قۇجاتتارىن تاپسىرىپ ۇلگەرگەندىگىن دە ەسكەرتىپ قويدى. ورىسشا اتاۋىن «سپراۆدەليۆوست» دەپ اتاپ وتىرعان قوزعالىس مۇشەسى حالىقتىڭ كوپ ادىلەتسىزدىك كورىپ كەلە جاتقانىن، وزدەرى سول ادىلەتسىزدىكتى جەڭۋ ءۇشىن جەڭدەرىن ءتۇرىپ كۇرەسكە تۇسكەلى جاتقاندارىن ءبىلدىردى. بەۋ، دەڭىز! ايتسە دە، «ادىلەت» الداعى پارتيا سايلاۋىنا قاتىسۋعا دايىندىقتارىنىڭ كەم ەكەندىكتەرىن ايتىپ اقتالادى. بۇ قالاي بولعانى سوندا؟ بايقاساڭىز قارقىنى قاتتى. قازاقستاندىق بيلىكتىڭ دە، بيزنەستىڭ دە  اۋزىن الىپ قويعانعا ۇقسايدى. اسىرەسە، «كوپۇلتتى ساسياسي بىرلەستىك» بولىپ قۇرىلعانى كوپ نارسەدەن حابار بەرگەندەي. الايدا، وسىنىسى جانە ءبىرتۇرلى كۇلكى شاقىرادى. نەگە دەسەڭىز، پارتيالاردىڭ ىشىندەگى ەڭ نۇرلىسى «نۇر وتان» از حالىقتىڭ پارتياسى ما ەكەن؟ «اق جول» شە؟ ول پارتيانىڭ دا قۇرامى «الا-قۇلا». ول پارتيانى دا كاسىپكەرلەر قولدايدى. تۇياقبايدىڭ پاراتياسى دەگەن قىپ-قىزىل ينتەرۇلتشىل پارتيا. سوندا مىنا قوزعالىستىڭ «كوپۇلتتىسى» «كوكەلەرىنىڭ» كوڭىلىنە كەلىپ جۇرمەي مە؟ بىراق، «سپراۆەدليۆوستكە» بايلانىستى كوكە پارتيا وكىلدەرى ازىرگە دانەڭە دەي قويعان جوق. ال، حالىقشىل قوعام بەلسەندىلەرى بىردەن ءۇن قاتتى. ولار بىلاي دەيدى:

راسۋل جۇمالى:

-         بۇل نە قىلجاق؟ الەمنىڭ بىردە ءبىر ەلىنەن كوپۇلتتى پارتيا دەگەندى ەستىمەپپىن. بالكىم وسىدان كەيىن كوپكونفەسسيونالدى نەمەسە كوپناسىلدى پارتيا قۇرۋ كەرەك شىعار؟ اقيقاتقا جۇگىنسەك، قازاقستاندا ءبىر عانا حالىق، ءبىر عانا ۇلت بار. وسى اقيقاتتى قاسقانا ەسكەرمەي قيمىلداۋدىڭ ءبارى سىرتقى كۇشتەردىڭ  ەلدەگى احۋالدى تۇراقسىزداندىرۋعا ۇمتىلعان ارانداۋشىلىق ارەكەتى بولىپ تابىلادى. قاجەت دەسەڭىز، بۇل ءبىر حالىقتى ىشتەن ءىرىتۋ، سەپاراتيزم.

گەرويحان قىستاۋباەۆ:

-         ءاي، ء"ۇش ارىپتەر" قايداسىڭدار؟ ۇلتشىلداردى اڭدىپ، ارنايى جوسپارلارىڭمەن اراسىنا وت تاستاپ، ءبارىن جامانداپ (شاحانوۆتان باستاپ، تايجان، سارىم، جۇمالى، نۇرىپباەۆ جانە ت.ب.), وزدەرىن وزدەرىنە ايداپ سالىپ، ءبىرىن ەكىنشىسىمەن الماستىرىپ، توز- توزىن شىعاردىڭدار. سونداعى ماقساتتارىڭ قازاقتى «جارامسىز»، ال ماڭگۇرتتەر مەن وزگەلەردى اۆانگارد ەتىپ كورسەتىپ، وسىنداي «كوپۇلتتى پارتيا» قۇرۋ ما ەدى؟ ءبىلىپ قويىڭدار، بۇل- قازاقتى وزگە كەلىمسەك ۇلتتاردىڭ اينالاسىنا بىرىكتىرۋ! ولاردى ەلدەگى كوشباسشى توپقا اينالدىرۋ. بۇل جاساندى تىرلىك! قازاقتى قۇردىمعا جىبەرۋ! بۇل ومىرشەڭ بولمايدى! ومىرشەڭ بولاتىنى - وزگە ۇلتتاردى قازاقتىڭ اينالاسىنا توپتاۋ، باسقاشا ايتقاندا، قازاقتى كوشباسشى ۇلت ەتۋ،   وزگە ۇلت وكىلدەرىنىڭ ءبىر تال شاشىن دا زاقىمداماي، شىنايى ۇلتتىق مەملەكەت قۇرۋ!   بىزگە كەلگەندە قۋلىقتارىڭا قۇرىق بويلامايدى. وعان كەلگەندە نەگە باستارىڭ ىستەمەي قالادى؟ قازاقستاندا ەل بىرلىگىنىڭ دىڭگەگى- قازاق ۇلتى بولعاندا عانا شىنايى ساياسي جانە ۇلتارالىق تۇراقتىلىق ورناپ، ناتيجەسىندە قۇرىشتاي مىقتى مەملەكەت بولا الامىز! باسقاسىنىڭ ءبارى- بوس اۋرەشىلىك! اقىماقتىق!

بۇل «كوپۇلتتى پارتيانىڭ»  تۇپكى ماقساتى مەن ارمانى - ەلدىڭ، جەردىڭ يەسى قازاق ەمەس، قازاقستاندىقتار ەتۋ! قازاقتى سول 140 ۇلتتىڭ ءبىرى عانا، سولارمەن تەپە- تەڭ ەتۋ!

Abai.KZ