قازاقستاننىڭ ءبىلىم جانە عىلىم مينيسترلىگى ەلىمىزدەگى ەڭ تانىمال جانە تالاپكەرلەر تاراپىنان تومەن سۇرانىسقا يە ماماندىقتار ءتىزىمىن جاريالادى.

ەڭ ۇلكەن سۇرانىسقا يە ماماندىقتار كوشىن «يۋريسپرۋدەنتسيا»، «ديزاين»، «دەنە شىنىقتىرۋ جانە سپورت»، «جالپى مەديتسينا»، «قارجى» سالالارى باستاپ تۇر. ال تالاپكەرلەر ەڭ از تاڭدايتىن ماماندىقتار تىزبەگىندە «كومپوزيتسيا»، «مۋزىكا تانۋ»، ء«مۇسىن ونەرى»، «تۇركىتانۋ» جانە «باسپا ءىسى» بار.

Nur.kz حابارلاعانداي ءبىلىم مينيسترلىگى ەلىمىزدەگى ورتاشا وقۋ اقىسىن دا جاريا ەتتى. ۇلتتىق ۋنيۆەرسيتەتتەردەگى وقۋ باعاسى باسقالارعا قاراعاندا ەكى ەسەگە قىمبات. «ۇلتتىق ۋنيۆەرسيتەتتەردە وقيتىن ءبىر ستۋدەنتكە جۇمسالاتىن جىلدىق ورتاشا سوما 635 مىڭ تەڭگە، ال وزگەلەرىندە 350 مىڭ تەڭگە» دەلىنگەن حابارلامادا.

مينيسترلىك تاراتقان مالىمەتتە تەحنيكالىق سالادا مامانداردىڭ جەتىسپەيتىنى ايتىلعان. سونداي-اق، ءونىمدى وڭدەۋ سالاسىندا شەبەرلەردىڭ جەتكىلىكسىز ەكەنى انىقتالدى. سول سەبەپتى، اتالعان ماماندىقتاردى 40 پايىزدان ارتىق مەملەكەتتىك گرانت بولىنۋدە.

ترانسپورتتى (31 مىڭ) جانە ەنەرگەتيكالىق ينفراقۇرىلىمدا (8 مىڭ), تاۋ-مەتاللۋرگيالىق كەشەندە (23,4 مىڭ), مۇناي-گاز سەكتورىندا (17,8 مىڭ), تۋريستىك يندۋستريادا (6,9 مىڭ) جانە ماشينا جاساۋدا (6,5 مىڭ) ماماندار قاجەتتىلىگى بايقالادى.

قازاقستاندىق نارىقتا مەحانيك، سلەسار، دانەكەرلەۋشى، جۇك جانە ارنايى ترانسپورت جۇرگىزۋشىسى، قۇرىلعىلار وپەراتورى، ەلەكتر مونتاجداۋشى سىندى ماماندىق يەلەرى جەتىسپەيدى.

سونداي-اق، ءىت ماماندارى، سەرۆيس پەن نانو جانە بيوتەحنولوگيانى يگەرگەن كادرلار قازىرگى نارىققا اسا قاجەت.

اباي-اقپارات