ءوڭىر باسشىسى ب.اتامقۇلوۆ وبلىس اكتيۆىمەن كەزدەسىپ، قازاقستان رەسپۋبليكاسى پرەزيدەنتى ن.ءا.نازارباەۆتىڭ قازاقستان حالقىنا ارناعان «قازاقستان جاڭا جاھاندىق ناقتى احۋالدا: ءوسىم، رەفورمالار، دامۋ» جولداۋىنداعى مىندەتتەردىڭ جۇزەگە اسۋىن تالقىلادى. جيىندا ايماق باسشىسى جولداۋدىڭ باسىم باعىتتارىن اتاپ كورسەتىپ، وڭىرلىك دامۋدىڭ بولجامدى ناتيجەسىن باياندادى. «پرەزيدەنت الەمدىك داعدارىستى ەڭسەرۋ ءۇشىن قازاقستاندا قول جەتىمدى مۇمكىندىكتەردى بايىپتى تالداۋدى ۇسىندى. ەلىمىزدە بۇگىننىڭ وزىندە ستراتەگيالىق باعدارلامالار جۇزەگە اسۋدا، ولار ءوز كەزەگىندە شيكىزات رەسۋرستارىنا دەگەن تاۋەلدىلىكتەن ارىلتادى»،- دەدى ب.اتامقۇلوۆ. ءوڭىر باسشىسى سونداي-اق وبلىس ەكونوميكاسىنىڭ تۇراقتى ءوسىپ وتىرعاندىعىن تىلگە تيەك ەتتى. «قازىردىڭ وزىندە وبلىسىمىزدا بىرنەشە ءىرى جوبالار ىسكە اسىپ كەلەدى. بىلتىرعى جىلمەن سالىستىرعاندا ەكونوميكاداعى جالپى ءونىم كولەمى 1,2 پايىزعا ارتىپ وتىر»،- دەپ مالىمدەدى ءوڭىر باسشىسى. بيىلعى جىلدىڭ 9 ايىندا 523,4 ملرد. تەڭگەنىڭ ونەركاسىپ ءونىمى شىعارىلدى. اۋىلشارۋاشىلىعى سالاسىندا دا ەلەۋلى ءوسىم بايقالىپ، اگروكاسىپورىندار كەشەنىمەن 300 ملرد. تەڭگەنىڭ ءونىمى ءوندىرىلدى. بۇل وتكەن جىلدىڭ ءتيىستى كەزەڭىمەن سالىستىرعاندا 101,9 پايىزعا سايكەس كەلەدى. كولىك جانە بايلانىس سالالارىنداعى تابىس كولەمى تيىسىنشە 105,1 جانە 102,5 پايىز بولىپ وتىر. «مەملەكەت باسشىسى ينۆەستيتسيالىق احۋالدى جاقسارتۋ باعىتىنداعى جۇمىستى ودان ءارى جۇرگىزۋدى تاپسىردى. وڭىرىمىزدە بۇل جۇمىستارعا ايرىقشا كوڭىل بولىنۋدە»،- دەپ جالعاستىردى ب.اتامقۇلوۆ. وسى ورايدا ۇلتتىق كومپانيالارمەن 9,8 ملرد. تەڭگەنى قۇرايتىن 529 كەلىسىمشارتتار ءتۇزىلدى. ناتيجەسىندە ءوڭىردىڭ نەگىزگى ينۆەستيتسيالىق كاپيتالىنىڭ كولەمى 323,3 ملرد. تەڭگەگە جەتىپ وتىر. شەتەلدىك كاپيتالدىڭ قاتىسۋىمەن قۇنى 1,7 اقش دوللارىن قۇرايتىن 29 جوبا ىسكە استى. شەتەلدىك ينۆەستورلاردى تارتۋ ماقساتىندا وڭتۇستىكقازاقستاندىق كاسىپكەرلەر تۇركيا، وڭتۇستىك كورەيا ەلدەرىندە ءىس ساپارمەن بولدى. مۇنداي ساپارلار الداعى ۋاقىتتا رەسەي، مالايزيا، سينگاپۋر، فرانتسيا، گەرمانيا ەلدەرىندە جالعاسىن تاپپاق. وڭتۇستىك قازاقستان ەكونوميكاسىن دامىتۋدىڭ نەگىزگى باسىمدىقتارىنىڭ ءبىرى – اۋىلشارۋاشىلىعى سالاسى بولىپ تابىلادى. وسى باعىتتا اگروونەركاسىپ كەشەنىندە جاڭا تەحنولوگيالار مەن يننوۆاتسيالاردى ەندىرۋگە ايرىقشا نازار اۋدارىلىپ وتىر. ء«وزىمىز وندىرەتىن اۋىلشارۋاشىلىعى ونىمدەرىنىڭ باسەكەگە قابىلەتتىلىگىن ارتتىرۋ ماقساتىندا باقشا، كوكونىس، جەمىس-جيدەك ساقتايتىن زاماناۋي قويمالار سالۋىمىز قاجەت. وسى ماقساتتا شىمكەنتتە ءىرى ساۋدا-لوگيستيكالىق ورتالىعىن سالۋ جوسپارلانۋدا»،- دەدى وبلىس اكىمى. ءوڭىر باسشىسى اتاپ وتكەندەي، ساۋدا-لوگيستيكالىق ورتالىعىنىڭ جالپى كولەمى 90 گا. اسادى. كەشەندە حالىقارالىق ستاندارتتارعا سايكەس «ا» جانە «ب» سىنىپتى اۋىلشارۋاشىلىعى ونىمدەرىن ساقتايتىن زاماناۋي قويمالار سالىنباق. مۇنداي قويمالار الداعى ۋاقىتتا سارىاعاش جانە ماقتارال اۋداندارىندا، تۇركىستان قالاسىندا سالىنادى دەپ جوسپارلانۋدا. ب.اتامقۇلوۆ حالىقتى جۇمىسپەن قامتۋ ماسەلەسى دە جەرگىلىكتى بيلىكتىڭ ەرەكشە نازارىندا بولاتىنىن جەتكىزدى. «مەملەكەت باسشىسى جولداۋدا جاڭا جۇمىس ورىندارىن اشۋ مىندەتىنە ەرەكشە كوڭىل ءبولدى. بۇل باعىتتاعى جۇمىستار وڭىرىمىزدە ءوز دەڭگەيىندە اتقارىلىپ كەلەدى. اتاپ ايتقاندا، توعىز اي كولەمىندە 51 مىڭعا جۋىق ادام جۇمىس ورىندارىمەن قامتىلىپ وتىر. ونىڭ ىشىندە 36,4 مىڭ ازامات تۇراقتى جۇمىس ورىندارىنا ورنالاستى»،- دەپ اتاپ ءوتتى ءوڭىر باسشىسى. «بيزنەستىڭ جول كارتاسى-2020» باعدارلاماسىنا سايكەس جىل باسىنان بەرى 194 ملن، تەڭگەنى قۇرايتىن 228 جوبا ماقۇلداندى، بۇل ءوز كەزەگىندە 1622 جاڭا جۇمىس ورىندارىن اشۋعا سەپتىگىن تيگىزدى. جولداۋدىڭ نەگىزگى باعىتتارى بويىنشا جيىندا سونداي-اق وبلىستىق ءماسليحات حاتشىسى ق.ەرجان، «قازاقستان» رترك وبلىستىق فيليالىنىڭ ديرەكتورى ۋ.قىدىر، شىمكەنت قالاسى، ا.پۋشكين اتىنداعى №1 مەكتەپ-گيمنازياسى ديرەكتورىنىڭ ورىنباسارى، وبلىستىق سلاۆيان ەتنومادەني قوعامدىق بىرلەستىگىنىڭ مۇشەسى ە.شەۆچەنكو، وبلىستىق كاسىپكەرلىك مەكتەبىنىڭ ديرەكتورى ب.دۇيسەبەكوۆ ءسوز الىپ، ءوز ويلارىن ءبىلدىردى.

وڭتۇستىك قازاقستان وبلىسى اكىمىنىڭ ءباسپاسوز قىزمەتى