جۇما, 29 ناۋرىز 2024
جاڭالىقتار 6287 0 پىكىر 30 قاراشا, 2015 ساعات 17:54

نازارباەۆ: رەسەي ۇشاعى تۇركياعا شابۋىلداعان جوق

قازاقستان پرەزيدەنتى نۇرسۇلتان نازارباەۆ حالىققا ارناعان جولداۋىن وقىپ تۇرىپ "رەسەي بومبالاۋشى ۇشاعى تۇركياعا شابۋىلداعان جوق، ول تەررورشىلارمەن سوعىسۋعا بارعان" دەپ مالىمدەدى. بۇل تۋرالى abai.kz پورتالى حابارلايدى.

ء"بىز رەسەي مەن تۇركيا اراسىندا بولعان وقيعاعا قاتىستى وكىنىش بىلدىرەمىز. رەسەي بومبالاۋشى ۇشاعى تۇركياعا شابۋىلداعان جوق، ول تەررورشىلارمەن سوعىسۋعا بارعان. ءبىز ازىرگە وقيعانىڭ انىق-قانىعىن بىلمەيمىز. قانداي قيىندىق بولسا دا، تەز ارادا مەملەكەتارالىق كوميسسيا قۇرۋ كەرەك. تەز ارادا كىنالىلەردى انىقتاپ، جازالاپ، كەتكەن قاتەلىكتى مويىنداپ، قاتىناستى قالپىنا كەلتىرۋ كەرەك. رەسەيدەگى، تۇركياداعى دوستارىمىزدى وسىعان شاقىرامىن" دەدى نازارباەۆ.

تۇركيا اۋە كۇشتەرى 24 قاراشا كۇنى رەسەيدىڭ سۋ-24 بومبالاۋشى ۇشاعىن اتىپ تۇسىرگەن سوڭ، ەكى ەلدىڭ اراسىنداعى قارىم-قاتىناس شيەلەنىسكەن بولاتىن. تۇركيا اسكەريلەرى رەسەيلىك ۇشاقتىڭ «ەلدىڭ اۋە كەڭىستىگىن بۇزىپ، ەسكەرتۋدى ەلەمەگەنىن» مالىمدەگەن. بىراق ماسكەۋ ول ۇشاقتىڭ «سيريا اۋماعىنداعى اۋە كەڭىستىگىنەن شىقپاعانىن» ايتىپ، تۇركيانىڭ شەكاراسىن بۇزعانىن جوققا شىعاردى.

28 قاراشا كۇنى ۆلاديمير پۋتين تۇركياعا قارسى سانكتسيالار سالۋ تۋرالى جارلىققا قول قويدى.

كەشە تۇركيا پرەزيدەنتى رەجەپ تايىپ ەردوعانمەن تەلەفون ارقىلى سويلەسكەن نازارباەۆ تۇركيا-رەسەي قارىم-قاتىناسىنىڭ ناشارلاعانىنا "الاڭداۋشىلىق" بىلدىرگەن.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2280
عيبىرات

قايسار رۋحتى عازيز جان

مۇحتار قۇل-مۇحاممەد 3604