2015 جىلدىڭ 13 قاراشاسىندا الماتى قالاسىنداعى ۇلتتىق كىتاپحانادا «ورحون» باسپا ءۇيى شىعارعان «ۇلى رەفورماتور – دەن سياوپين» اتتى كىتاپتىڭ تۇساۋكەسەرى وتەدى، - دەپ حابارلايدى اباي-اقپارات.

الەمنىڭ ۇلى تۇلعالارىن قازاق ۇلتىنا تانىستىرۋ ماقساتىندا سەريالى كىتاپتار شىعارۋ يدەياسىنىڭ اۆتورى بەلگىلى جازۋشى ديداحمەت ءاشىمحانۇلى بولاتىن. ول كىسى «ۇلى رەفورماتور – دەن سياوپين» اتتى وسى كىتاپتىڭ جارىق كورۋى ءۇشىن قىتايداعى "ۇلتتار" باسپاسىنىڭ ديرەكتورى يۋ بينشي مىرزامەن كەلىسىم جاساپ، نەگىزگى شارۋانى ءوزى اتقارىپ كەتكەن بولاتىن. 

قىتاي حالىق رەسپۋبليكاسىنىڭ ۇلى رەفورماتورى دەن سياوپين جايلى كىتاپ تۇڭعىش رەت قازاق تىلىندە شىعىپ وتىر. كىتاپ بەيجىڭدەگى «ۇلتتار» باسپاسى جانە قازاقستانداعى قىتاي ەلشىلىگىنىڭ تىكەلەي قولداۋىمەن جارىق كوردى. تۇساۋكەسەرگە ەلىمىزگە بەلگىلى ساياساتكەرلەر، زيالى قاۋىم جانە «ۇلتتار» باسپاسىنىڭ وكىلدەرى مەن قىتاي حالىق رەسپۋبليكاسىنىڭ قازاقستانداعى ەلشىلىگىنەن ارنايى قوناقتار قاتىسادى.

دەن سياوپين بۇگىنگى قىتاي ەلىنىڭ سوتسياليستىك مەملەكەت بولىپ قالىپتاسۋىنا، الەمدىك گەوساياساتتان ءوز ەلىنىڭ لايىقتى ورىن الۋىنا جانە ەكونوميكاسىنىڭ قارىشتاپ ورلەۋىنە ۇشان-تەڭىز ەڭبەك ءسىڭىردى. سونداي-اق، ول اسپان استى ەلىن دامىعان مەملەكەتتەر قاتارىنا ەنگىزۋ ارقىلى قىتاي ۇلتىنىڭ ۇلتتىق كوسەمىنە ءھام الەمدىك تۇلعاعا اينالدى. الەمدىك دەڭگەيدەگى رەفورماتوردى قازاق وقىرماندارى دا تانىپ ءبىلۋى قاجەت. سول ماقساتتا جارىق كورگەن بۇل جيناقتى قىتايدىڭ «ۇلتتار» باسپاسىنىڭ ماماندارى قازاق تىلىنە اۋدارىپ، كىتاپ بولىپ باسىلۋىنا ەرەكشە كومەك كورسەتتى.

كىتاپ ساياساتتانۋشىلارعا، عالىمدارعا، تاريحشىلارعا، ستۋدەنتتەرگە جانە جالپى وقىرمان قاۋىمعا ارنالعان.

بولاشاقتا "ورحون" باسپاسىباسقا دا الەمدىك تۇلعالار جايلى كىتاپتار سەرياسىن شىعاراتىن بولادى. 

شارانىڭ وتەتىن ورنى: قازاقستان رەسپۋبليكاسى ۇلتتىق كىتاپحانا، الماتى قالاسى، اباي داڭعىلى 14. ابىلاي حان داڭعىلىنىڭ قيىلىسى. 

 ۋاقىتى: 2015 جىلدىڭ 13 قاراشا، 10⁰⁰-دە باستالادى.

قوسىمشا مالىمەتتەردى مىنا تەلەفوندار ارقىلى الا الاسىز: 394-42-04, +7 701 292 85 77, +7 705 133 25 25.