حالىق قالاۋلىلارى قاراپايىم جۇرت سەكىلدى. بەلگىلى  بولعانداي ولاردىڭ اس مازىرىندە فۋا-گرا مەن قارا ۋىلدىرىق جوق، - دەپ حابارلايدى 31 ارنا.

دەپۋتات نۇرلان جازىلبەكوۆ ءماجىلىستىڭ اس ءمازىرىنىڭ سۋرەتىن سالىپ، جۇرتتىڭ نازارىن اۋداردى. 

مازىردە سالاتتار باعاسى 113-170 تەڭگە، ساڭىراۋقۇلاق جانە حارچو سورپاسى 178-263 تەڭگە، ال ەكىنشى اسقا بەرىلەتىن ىستىق تاماقتار 228-455 تەڭگە ارالىعىندا ەكەن.

سونىمەن قاتار ءماجىلىس دەپۋتاتى تاڭىربەرگەن بەردىوڭعاروۆ تا پارلامەنت بۋفەتى جايلى ءوزىنىڭ Facebook پاراقشاسىندا جازىپ، اسحانامىزدا ءبارى تيىن-تەبەن تۇرادى دەپ ويلايدى، شىندىعىندا ولاي ەمەس دەپ مۇڭىن شاقتى. بۇل پىكىر دەپۋتاتتار مەن قوعام وكىلدەرىنىڭ قىزۋ تالقىسىنا ۇلاستى.

حالىق قالاۋلىلارىنىڭ كەيبىرى ارىپتەسىن قوستاعانمەن، مۇنداي بۋفەتتەرگە كىرەتىن ۋاقىتى جوق ەكەنىن ايتىپ جاتقاندار دا بولدى. ايتا كەتۋ كەرەك، قازىرگى كەزدە مۇنداي ارزان باعانى ەلىمىزدەگى مەكتەپتەردىڭ اسحاناسىنان تابۋدىڭ ءوزى قيىن.

اباي-اقپارات