پاكىستاننىڭ سىرتقى ىستەر مينيسترلىگى اۋعانستان، پاكىستان، قىتاي جانە قۇراما شتاتتاردىڭ وكىلدەرى كابۋل مەن «تاليبان» قوزعالىسىنىڭ اراسىنداعى كەلىسسوزدەردى جالعاستىرۋ ماسەلەلەرىن تالقىلايتىندارىن حابارلادى.

مينيسترلىكتىڭ ءباسپاسوز حاتشىسى كازي حاليۋللا اقپاننىڭ 6-نا يسلامابادتا جوسپارلانعان كەزدەسۋدە اۋعانستانداعى قاقتىعىستى بەيبىت جولمەن شەشۋ جوسپارىن كەلىسۋدىڭ كوزدەلگەنىن ايتتى. بۇل سوڭعى بىرنەشە اپتا ىشىندەگى وسىنداي ءۇشىنشى كەزدەسۋ بولماق.

حاليۋللا وسى ماسەلەلەردى شەشۋ ءۇشىن ەل پرەمەر-ءمينيسترى ناۆاز شاريفتىڭ جاقىندا كاتارعا جول جۇرەتىنىن حابارلادى. دەگەنمەن ساپار ماقساتى تۋرالى دەرەك بەرىلمەدى.

پاكىستان ءسىم مۇنداي حاباردى بىرنەشە كۇن بۇرىن «تاليبان» قوزعالىسى الداعى كەلىسسوزدەردە وزدەرىنىڭ اتىنان تەك كاتارداعى «ساياسي وكىلدىگى» سويلەي الاتىنىن مالىمدەگەن سوڭ تاراتىپ وتىر.

Abai.kz