"تەراكتىنىڭ بولۋ مۇمكىندىگىن نەمەسە بوسقىنداردىڭ جاپپاي اعىلۋىن العا تارتىپ، باتىس ەلدەرى ادام قۇقىقتارىن ەكىنشى كەزەككە ىعىستىردى", - دەپ جازادى ۇيىمنىڭ اتقارۋشى ديرەكتورى كەننەت روت 27 قاڭتاردا جاريالاعان الەمدەگى ادام قۇقىقتارىنىڭ جاعدايى جونىندەگى بايانداماسىندا.

قۇقىق قورعاۋشىلار اقش، ۇلىبريتانيا جانە فرانتسيا ەلدەرىندە ازاماتتاردىڭ جەكە ومىرلەرىنە باقىلاۋ كۇشەيتىلگەن اتاپ وتەدى.

سونىمەن بىرگە بايانداما رەسەي، قىتاي جانە تۇركيا بيلىگى ەلىندە ازاماتتىق قوعامنىڭ جانە تاۋەلسىز مەديانىڭ پايدا بولىپ، اراب ەلدەرىندەگى، گونكونگ جانە ۋكرايناداعىداي ۇكىمەتكە قارسى قوزعالىستاردىڭ پايدا بولۋىنان قاۋىپتەنەدى دەلىنگەن.

Human Rights Watch رەسەيدە دەموكراتيالىق ينستيتۋتتارعا قىسىم كورسەتۋ ءتورت جىل قاتارىنان جالعاسىپ كەلە جاتقانىن دا اتاپ وتكەن. ولاردىڭ ەسەبى بويىنشا، 2015 جىل رەسەيدەگى ادام قۇقىقتارىنىڭ جاعدايى ەڭ شەگىنە جەتكەن: ازاماتتىق قوعامدى شەتەلدەرمەن بايلانىستان الاستاتاتىن ارنايى زاڭ قابىلداندى. وپپوزيتسيالىق ساياساتكەر بوريس نەمتسوۆ ءولتىرىلدى، ازشىلىق وكىلدەرىنىڭ قۇقىعىن تاپتاۋ تەندەنتسياسى ءورشىپ كەلەدى.

حالىقارالىق ۇيىم ازەربايجانداعى جاعدايدى دا ەرەكشە اتاپ وتكەن: ازات ەۋروپا/ازاتتىق راديوسىنىڭ باكۋدەگى كەڭسەسى جابىلعان. بيلىكتەگى كوررۋپتسيا جونىندە ماقالالار جازىپ جۇرگەن ازاتتىقتىڭ ءتىلشىسى حاديدجا يسمايلوۆا 7 جىلعا سوتتالدى.