پاكىستان: شابۋىل كەزىندە 21 ادام كوز جۇمدى
پاكىستاننىڭ سولتۇستىك- باتىسىندا سودىرلار ستۋدەنتتەرگە شابۋىل جاسادى. ناتيجەسىندە 21 ادام قازا تاۋىپ، 50 شاقتى ادام جارالانعان. حايبەر-پاحتۋنحۆا پروۆينتسياسىنداعى شابۋىل 2014 جىلدىڭ جەلتوقسانىندا پەشاۆارە اكادەمياسىنداعى 144 ادامنىڭ ءومىرىن الىپ كەتكەن تەراكتىنى ەسكە سالدى.
سول قاندى وقيعاعا جاۋاپتى بولعاندار 20 قاڭتارداعى باچا حانا ۋنيۆەرسيتەتىندەگى شابۋىلعا «تاليبان» قوزعالىسىنان ءبولىنىپ شىققانداردىڭ قاتىسى بار دەپ مالىمدەدى.
پاكىستاندىق تالىبتەر بۇل وقيعانى «يسلامدىققا جات» دەپ ايىپتادى.
سودىرلار قارا كيىنىپ، ۋنيۆەرسيتەتتىڭ قورشاۋىنان سەكىرىپ وتكەن دەپ حابارلانادى. قايتىس بولعانداردىڭ كوبى ەرلەرگە ارنالعان جاتاقحانادا ۇيىقتاپ جاتقان جاستار بولعان. سونىمەن بىرگە ءبىر وقىتۋشى قايتىس بولعان.
التى ساعاتتىق اتىستان كەيىن، ۋنيۆەرسيتەت ايماعىن شابۋىلداۋشىلاردان بوساتقان. سودىرلاردىڭ تورتەۋى قايتىس بولعان.
اباي-اقپارات
