قازاق سپورت جۋرناليستەرى مەن كوممەنتاتورلارى ساۋساقپەن سانارلىق ەكەنى وتىرىك ەمەس. بارلارىنىڭ ءوزى ءوز ءىسىنىڭ حاس شەبەرلەرى دەپ تاعى ايتا المايمىز. وسى ولقىلىقتىڭ ورنىن تولتىرۋ ماقساتىندا سپورت جۋرناليستەرى مەن كوممەنتاتورلارىن دايارلاۋ مەكتەبى ءوز جۇمىسىن باستاماق.

"ەلىمىزدە وسى سالادا اشىلعالى جاتقان العاشقى ورتالىق سپورت جۋرناليستەرى مەن كوممەنتاتورلارىن دايارلاۋ ماقساتىندا اپتاسىنا ەكى رەت، ەكى اي بويى وتكىزىلەدى", دەپ مالىمدەدى جوبا جەتەكشىلەرىنىڭ ءبىرى سەرىك نويانبايۇلى.

"تالىمگەرلەر، تەوريا مەن پراكتيكا جۇزىندە ونلاين سپورت جۋرناليستيكاسى، ءباسپاسوز بەن تەلەارنالارداعى سپورت جۋرناليستيكاسى جانە سپورت كوممەنتاتورلىعىنىڭ قىر-سىرىن ۇيرەنەدى. ەكى ايلىق دارىستەن كەيىن، تالىمگەرلەر باق-نان 10 كۇندىك تاجىريبەدەن وتەدى. جانە كۋرس بىتىرگەنى تۋرالى سەرتيفيكاتقا، سپورتتىق سىيلىقتارعا يە بولادى", دەيدى جوبا ۇيىمداستىرۋشىلارى.

تالىمگەرلەرگە ەلىمىزگە تانىمال سپورت كوممەنتاتورلارى ەسەي جەڭىسۇلى، ەرجان كوشكىنباي، ەرمۇحامەد ماۋلەن، راۋان وقاس، رۋسلان مەدەلبەك سىندى ءوز ءىسىنىڭ بىلگىرلەرى ءدارىس وتكىزەدى. بۇدان وزگە اقپاراتتى sportjournalism.kz سايتىنان وقىپ بىلۋگە بولادى.

Abai.kz