جەرىنىڭ استى بايلىققا تولى بولا تۇرا حالقى اش-جالاڭاش جۇرگەن ەل - قازاقستان ەكەنىن حالىقارالىق ساۋدا-ساتتىق ساياساتىن زەرتتەۋ ينستيتۋتى (حسسزي) "سۇيىنشىلەپ" جاتىر. اتالعان ينستيتۋتتىڭ مالىمەتىنشە،  "دامىعان 30 ەلدىڭ ساپىنا كىرمەك بولىپ ارەكەت ەتىپ جاتقان" مەملەكەتىمىز اشىققان مەملەكەتتەردىڭ 16-ورىنىنا تۇراقتاعان. Global Hunger Index رەيتينگىسىنە سايكەس، قازاقستاندا ازاماتتارىنىڭ 2,5 پايىزى كۇندەلىكتى نانىن تاپپاي وتىرعان كورىنەدى-ءمىس.

Nur.kz اقپاراتتىق پورتالىنىڭ جازۋىنشا، اش حالىق سانى ەڭ كوپ ەل — ورتالىقافريكالىق رەسپۋبليكا. وندا تۇرعىنداردىڭ 47.7 پايىزى اشتىققا ۇشىراعان. جاعدايى تومەن تۇرعىندار كوبىنە چاد، زامبيا، شىعىس تيمور، سەررا-لەونە، گايتي، ماداگاسكار جانە اۋعانستاندا كەزىگىپ جاتادى.

رەسەيدە حالىقتىڭ 0,7 پايىزى اشتىقتان زارداپ شەگۋدە. بەلورۋسسيادا — 0,8 پايىز، ۋكراينادا — 1,2 پايىز. پوستكەڭەستىك رەسپۋبليكالار ىشىندە ەڭ ناشار كورسەتكىش تاجىكستاننان بايقالدى (33,2 پايىز).

بولگاريادا — 9 پايىز، مولداۆيادا — 12,2 پايىز، وزبەكستاندا — 13,3 پايىز، قىرعىزستاندا — 8 پايىز، ال تۇركىمەنستاندا — 32 پايىز تۇرعىندار اشتىققا دۋشار بولعان. سولتۇستىك كورەيادا حالىقتىڭ 41 پايىزى كۇندەلىكتى نانىن تاپپاي وتىر.

ال قازاقستان الەمدەگى اش ەلدەر رەيتينگىندە وزبەكستان مەن تاجىكستاندى باسىپ وزعان. 

رەسەي اتالعان رەيتينگتە 11-ورىندى، قىرعىزستان 27-ورىن، وزبەكستان 43-ورىندى، تۇركمەنستان 40-ورىندى يەلەنگەن. بۇل ساناققا اشتىق يندەكسى 5-تەن تومەن ەلدەر قاتىستىرىلماعانىن ەستەرىڭىزگە سالامىز.

قوش! ەندى مىنا مالىمەتتەرگە نازار سالىڭىز...

قازاقستان مينەرالدىق رەسۋرستارعا وتە باي مەملەكەت. قازاقستان دۇنيە ءجۇزىنىڭ 186 ەلىنىڭ ىشىندە ۆولفرام، قورعاسىن جانە ءباريدىڭ قورى بويىنشا ءبىرىنشى ورىندا، حروميت، كۇمىس جانە تسينك بويىنشا ەكىنشى، مارگانەتس جانە موليبدەن — ءۇشىنشى، مىس — ءتورتىنشى، ۋران — بەسىنشى، التىن — التىنشى، تەمىر كەنى — جەتىنشى، قالايى مەن نيكەل — سەگىزىنشى، كومىر مەن تابيعي گاز — توعىزىنشى، مۇناي بويىنشا ون  ءۇشىنشى ورىندا.

قورعاسىن – 22 % (الەم بويىنشا ءبىرىنشى ورىن).
مىرىش – 15,2 % (الەم بويىنشا ءبىرىنشى ورىن).
ۋران – 18,9 % (الەم بويىنشا ەكىنشى ورىن).
حروم رۋداسى – 37,6 % (الەم بويىنشا ءبىرىنشى ورىن).
باريت – 47,2 % (الەم بويىنشا ءبىرىنشى ورىن).
كومىر – 3,1 % (الەم بويىنشا التىنشى ورىن).
مۇناي – 3,2 % (الەم بويىنشا جەتىنشى ورىن).
التىن – 2,7 % (الەم بويىنشا سەگىزىنشى ورىن).
كۇمىس – 16 % (الەم بويىنشا ەكىنشى ورىن).
مىس – 7,1 % (الەم بويىنشا ءۇشىنشى ورىن).
نيكەل – 1,4 % (الەم بويىنشا ون ەكىنشى ورىن).
كوبالت – 3,9 % (الەم بويىنشا بەسىنشى ورىن).
بوكسيتتەر – 1,4 % (الەم بويىنشا ونىنشى ورىن).
تەمىر – 6 % (الەم بويىنشا بەسىنشى ورىن).
مارگانەتس – 30 % (الەم بويىنشا ەكىنشى ورىن).
فوسفوريتتەر – 4,5 % (الەم بويىنشا التىنشى ورىن) 

قازاقستان جەرىندە ءحروميتتىڭ الەمدىك قورىنىڭ ۇشتەن ءبىر، ۋران مەن مارگانەتستىڭ تورتتەن ءبىر بولىگى، تەمىر كەنىنىڭ وننان ءبىر بولىگى ورنالاسقان.

قازاقستاندا بارلانگان تاس كومىر جانە قوڭىر كومىردىڭ قورى 200 ملرد. توننادان استام.

بۇل بايلىقپەن 17 ميلليون حالىقتى بىلاي قويىپ، 170 ميلليون ادامدى اسىراۋعا بولادى. ارينە، "التىن كۇمىس اس ەمەس", الايدا، حالىقارالىق ساۋدا-ساتتىق ساياساتىن زەرتتەۋ ينستيتۋتى قازاقستاندى حالقى اش مەملەكەتتەردىڭ قاتارىنا قوسقاندا قانداي تالاپتاردى باسشىلىققا الدى ەكەن؟ ول جاعى بەلگىسىز. بالكىم، الەۋمەتتىك سەبەتتەگى (سوتسيالنايا كورزينا) ازىق-تۇلىكتىڭ مولشەرى مەن قۇنارىن ەسەپتەگەن شىعار؟ ولاي بولسا، بۇل ەسەپ حالىقتىڭ جالپى اشقۇرساق ەكەندىگىن بىلدىرمەيدى. ەگەر قازاقتىڭ ءبىر جىلدا كەمى ءبىر-ەكى قوي نەمەسە ءبىر قارانى الىپ سوعىپ، جەپ الاتىنىن ەسكەرسەك، ء بىزدىڭ قاسىمىزدا ناعىز اش ەل ەۋروپا ەلدەرى بولىپ شىعاۋى مۇمكىن... 

ءشارىپحان قايسار

Abai.kz