ەگەي تەڭىزىندە ميگرانتتاردىڭ ءولى دەنەسى تابىلدى
ەگەي تەڭىزىنىڭ تۇرىك جاعالاۋىندا گرەكتىڭ لەسبوس ارالىنا باعىت العان كەم دەگەندە 34 ميگرانتتىڭ دەنەسى تابىلدى.
ولاردىڭ رەزينا قايىقتارىن تەڭىز تولقىنى اۋدارىپ تاستاعان. دەرەك بويىنشا، ولگەندەر اراسىندا ايەلدەر مەن بالالار بار. مارقۇمداردىڭ سۇيەگىن ايۆاليك جانە ديكيلي شيپاجايلارىنىڭ جاعالارىنا شىعارىپ تاستاعان.
تۇركيانىڭ جاعالاۋ كۇزەتى ءتىرى قالعانداردى ىزدەۋگە شىققان. سۋدان سەگىز ادام قۇتقارىلدى. ازىرگە بوسقىنداردىڭ قاي ەلدىڭ ازاماتى ەكەندەرى بەلگىسىز. ء بىر-بىرىنەن 50 شاقىرىم قاشىقتا ورنالاسقان ديكلي جانە ايۆاليك گرەكياعا ۇمتىلعان ميگرانتتاردىڭ جولىندا جاتىر. بىلتىر بۇل باعىتپەن 850 مىڭ ادام وتكەن.
اباي-اقپارات
