اقتوبە قالاسىنداعى نازارباەۆ زياتكەرلىك مەكتەبىنىڭ 10-سىنىپ وقۋشىسى اسىلاي سەيتەنوۆا دجوان روۋلينگتىڭ «گارري پوتتەر جانە فيلوسوفيالىق تاس» كىتابىن قازاقشاعا اۋداردى.

ازىرگە ول اتالعان روماننىڭ ءتورت ءبولىمىن  اۋدارعان.

اسىلايدىڭ مۇعالىمى اقبوتا ابىشەۆانىڭ ايتۋىنشا، اسىلاي جوبانى وتكەن جىلى جەلتوقسان ايىندا قولعا الىپتى.

— اسىلاي نەگىزى، بۇل جوبانى كىشى عىلىم اكادەمياسىنىڭ اعىلشىن ءتىلى ءپانى بويىنشا وتكىزىلەتىن وبلىستىق جارىسقا دايىندادى, — دەيدى جوبا جەتەكشىسى.

اسىلاي سايىستا ءى ورىندى جەڭىپ الىپ، مامىر ايىنىڭ 13-ءى كۇنى وتەتىن رەسپۋبليكالىق جارىسقا قاتىسۋعا جولداما الىپتى.

«گارري پوتتەر جانە فيلوسوفيالىق تاس» كىتابىنىڭ نەلىكتەن تاڭدالعاندىعى تۋرالى  اقبوتا ابىشەۆا بىلاي دەيدى:

— جوبا ماقساتى — شەتەلدىك ازاماتتارعا قازاق ءتىلىن ۇيرەتۋگە كومەكتەسۋ. مەكتەبىمىزدىڭ وقىتۋشىسى نەيتان دەۆيد لولەر بىزگە قازاق ءتىلىن ەندى ۇيرەنىپ جۇرگەندەر ءۇشىن ءتىلى جەڭىل، تۇسىنىكتى كىتاپتاردى اۋدارۋعا كەڭەس بەردى. ءسويتىپ، بىرنەشە كىتاپتىڭ ءتىزىمىن جاساپ، وقۋشىلاردىڭ اراسىندا ساۋالناما جۇرگىزدىك. تاڭداۋعا يە بولعانى — «گارري پوتتەر جانە فيلوسوفيالىق تاس» كىتابى. ءسويتىپ، ءىستى باستاپ كەتتىك.

اسىلاي روماندى تۇپنۇسقادان، اعىلشىن تىلىنەن اۋدارعان.

— ءتورت ءبولىمدى ءۇش اي اۋداردىم. وقىرماندار ۇلكەن قىزىعۋشىلىق تانىتىپ، سۇرانىسقا يە بولىپ جاتسا، روماندى تولىق اۋدارۋعا دايىنمىن.

بۇل جوبا قارجى تابۋ ماقساتىندا جاسالعان جوق. شەتەلدىك ازاماتتارعا قازاق ءتىلىن مەڭگەرۋگە كومەكتەسكىم كەلەدى, — دەيدى اسىلاي.

ايتا كەتۋ كەرەك، كىتاپتاعى سۋرەتتەردى نازارباەۆ زياتكەرلىك مەكتەبىنىڭ 10-سىنىپ وقۋشىسى ولجاس ەسەنباەۆ سالعان.

دەرەككوزى: "اقتوبە" گازەتى