رەسەيدىڭ قاتىسۋىنسىز يادرولىق سامميت اشىلدى
ۆاشينگتونداعى يادرولىق سامميتكە الەمنىڭ ونداعان جەتەكشىسى باستاعان دەلەگاتسيا كەلدى. رەسەي بۇل جيىنعا كەلۋدەن باس تارتتى. باتىس ەلدەرى مۇنى ۋكرايناداعى تەكەتىرەس پەن رەسەيدىڭ قىرىمدى باسىپ الۋىنا بايلانىستى ماسكەۋ مەن ناتو اراسىنىڭ ناشارلاۋى دەپ باعالادى.
كونفەرەنتسياعا قاتىسۋشىلار يادرولىق ماتەريالداردى ەكسترەميستىك ۇيىمداردىڭ قولىنا تۇسۋدەن قورعاۋ شارالارىن تالقىلايتىن بولادى.
كۇن تارتىبىندەگى ماسەلە - سولتۇستىك كورەيانىڭ يادرولىق باعدارلاماسى جانە بىرنەشە رەت يادرولىق زارياد پەن ءتۇرلى قاشىقتىققا ۇشاتىن زمىرانداردى سىناقتان وتكىزگەنى تۋرالى مالىمدەگەن بۇل مەملەكەتتەن كەلەتىن بولاشاق قاۋىپ-قاتەر.
اقش پرەزيدەنتىنىڭ ۇلتتىق قاۋىپسىزدىك جونىندەگى كەڭەسشىسىنىڭ ورىنباسارى بەن رودس سامميت يادرولىق ماتەريالداردىڭ تەررورشىلار قولىنا ءتۇسۋدىڭ الدىن الاتىن ماسەلەلەردى قاراستىرۋعا سەبىن تيگىزەتىنىن ايتتى. ونىڭ سوزىنشە، 2010 جىلى ۆاشينگتوندا وتكەن العاشقى سامميتتەن كەيىن يادرولىق زاتتاردى ساقتاۋ مەن كۇزەتۋگە بايلانىستى كوپ ءىس اتقارىلعان. رودس سونىمەن بىرگە، ساممميتكە قاتىسۋدان باس تارتقان رەسەيدىڭ ء«وزىن-ءوزى وقشاۋلاعانىن» مالىمدەدى.
رەسەي پرەزيدەنتىنىڭ ءباسپاسو حاتشىسى دميتري پەسكوۆ سامميتكە قاتىسۋدان باس تارتۋ سەبەبىن «فورۋمنىڭ تاقىرىبى مەن سۇراقتارىن الدىن-الا پىسىقتاۋ بارىسىندا ءوزارا ارەكەتتىڭ بولماعانىمەن" ءتۇسىندىردى.
Cامميت اقش پرەزيدەنتى باراك وبامانىڭ باستاماسىمەن 2010 جىلدان بەرى ەكى جىلدا ءبىر رەت وتكىزىلىپ كەلەدى. العاشقى ەكى فورۋمدا رەسەي دەلەگاتسياسىن سول كەزدەگى پرەزيدەنت دميتري مەدۆەدەۆ باستاپ بارسا، ءۇشىنشى باسقوسۋعا رەسەي اتىنان سىرتقى ىستەر ءمينيسترى سەرگەي لاۆروۆ بارعان.
اباي-اقپارات
