بەيسەنبى, 28 ناۋرىز 2024
جاڭالىقتار 4766 0 پىكىر 31 ناۋرىز, 2016 ساعات 11:00

پەنتاگون: اقش شىعىس ەۋروپاعا اسكەري قولداۋ كورسەتۋى كەرەك

اقش قورعانىس مينيسترلىگى شىعىس ەۋروپانىڭ ليتۆا, لاتۆيا, ەستونيا, پولشا, رۋمىنيا جءانە بولگاريا سەكىلدى ەلدەرىندە تءورت مىڭدىق ساربازىن ورنالاستىرۋدى كءوزدەيدى.

بۇل ەلدەرگە سونىمەن بىرگە تانكتەر، جاياۋ اسكەردىڭ "برەدلي" ساۋتتى كولىگى، "پالادين" وزدىگىنەن جۇرەتىن گاۋبيتسالار - ۇزىن سانى 250 دانا بروندى تەحنيكا جەتكىزىلەدى. امەريكالىق Wall Street Journal باسىلىمىنا بەرگەن سۇحباتىندا اقش قورعانىس ءمينيسترىنىڭ ورىنباسارى روبەرت ۋورك اقش-تىڭ بۇل وڭىردەگى اسكەري كۇشتەرىن كوبەيتۋگە ەڭ الدىمەن، رەسەيدىڭ باسقىنشىلىق ساياساتىنىڭ اسقىنعانىنا الاڭداعان شىعىس ەۋروپا ەلدەرى ۆاشينگتوننىڭ وزدەرىن قورعاۋعا دايىن ەكەنىنە سەنىمسىزدىك بىلدىرە باستاعانى سەبەپ بولعانىن مالىمدەدى.

ەۋروپانىڭ شىعىسىنداعى امەريكالىق اسكەري كۇشتى ۇلعايتۋ جوسپارى 2017 جىلدىڭ اقپانىندا جۇزەگە اسۋى ءتيىس. وعان دەيىن جوسپار اقش كونگرەسسىنىڭ ماقۇلداۋىن كۇتەدى.

پەنتاگون ەۋروپاعا بەرەتىن اسكەري كومەككە كەتەتىن شىعىندى ۇلعايتۋ جوسپارىن بيىل اقپاندا ۇسىنعان. سولتۇستىكاتلانتيكالىق وداق رەسەي قىرىمدى باسىپ العاننان كەيىن، شىعىس ەۋروپاداعى قارۋ-جاراق كولەمىن وسىرە باستادى جانە وسى وڭىردەگى اليانسقا مۇشە قۋاتتى باتىس ەلدەرىنىڭ اسكەرىن الماستىرىپ تۇرۋ ءتارتىبىن ەنگىزدى.

Abai.kz

 

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3529