وتباسىمەن سيرياعا اتتانعان وڭتءۇستىك قازاقستان وبلىسى قازىعۇرت اۋدانىنىڭ تۋماسى مارات مءاۋلەنوۆ قازاقستان باسشىلىعىنا بەينەءۇندەۋ جولدادى. بەينەجازبا WhatsApp مەسسەندجەرى ارقىلى تاراۋدا.

"قازاقستان جەرىنە شىن جۇرەكتەن سالەم" دەيتىن ءتورت مينۋتتىق بەينەجازبانىڭ باسىندا قارۋ اسىنعان ساقالدى جىگىت ءوزىن ور قالاسىنىڭ تۇرعىنى رينات جۇمابەكوۆ دەپ تانىستىرعان تاعى ءبىر قارۋلى اداممەن بىرگە سويلەيدى. قازىعۇرت اۋدانىنىڭ تۇرعىندارى ءبىرىنشى ادامدى مارات ماۋلەنوۆ دەپ تانىپ وتىر. ورىس تىلىندەگى ۇندەۋلەرىندە ولار وتباسىلارىن "حاليفات جەرىنە" كوشىرىپ اكەلگەندەرىن جانە بالالردى وندا «شاريعات بويىنشا» وقىتىپ جاتقاندارىن ايتادى. ماۋلەنوۆ قازاقستاندى «كۇپىرستان» دەپ اتاپ، «دەموكراتيا مەن شايتان» ءۇشىن ەمەس، «اللاح ءسوزىن جەتكىزۋ ءۇشىن شايقاسىپ جاتقانىن» مالىمدەدى.

​بىلتىر قىركۇيەكتە ينتەرنەتتە 45 جاستاعى مارات ماۋلەنوۆتىڭ وتباسىمەن بىرگە سيرياعا كوشىپ كەتكەنى تۋرالى اقپارات پايدا بولدى. قازىعۇرت اۋىلىنداعى وراز جاندوسوۆ اتىنداعى ورتا مەكتەپتە ورىس ءتىلىنىڭ مۇعالىمى بولعان مارات ماۋلەنوۆ كورشىلەرىنە ايەلى جانە التى بالاسىمەن بىشكەككە كيىم الۋعا كەتىپ بارا جاتقانىن ايتقان. ماۋلەنوۆ جۇمىس ىستەگەن مەكتەپ ديرەكتورى جوعالىپ كەتكەن ۇستازدى جۇمىستان شىعارعانىن حابارلادى.

Abai.kz