جۇما, 29 ناۋرىز 2024
بىلگەنگە مارجان 5286 0 پىكىر 30 ناۋرىز, 2016 ساعات 13:55

92 جاستاعى زيمبابۆە پرەزيدەنتى روبەرت مۋگابە 2018 جىلى سايلاۋعا قاتىسپاق

زيمبابۆە پرەزيدەتى روبەرت مۋگابە 2018 جىلى وتەتىن پرەزيدەنت سايلاۋىنا قايتا قاتىسۋعا دايىن ەكەنىن حابارلادى. بۇل تۋرالى توكيو قالاسىنا رەسمي ءىس-ساپارمەن كەلگەن مۋگابە مىرزا «سانكەي» جاپون گازەتىنە بەرگەن سۇحباتىندا مالىمدەگەن.


«جاقتاستارىم مەنىڭ كانديداتۋرامدى ۇسىنىپ وتىر. ءوزىم ءالى تىڭمىن، ەگەر حالىق قالاسا ەلدى ودان ءارى قاراي دا باسقارا بەرەمىن»، — دەيدى 92-دەگى پرەزيدەنت.

بۇعان دەيىن باتىس باسىلىمدارى مۋگابەنى ەلدەگى وپپوزيتسيانى باسىپ-جانشىعان ديكتاتور دەپ ايىپتاعان بولاتىن. پرەزيدەنتتىڭ ءوزى بولسا مۇنىڭ جالا ەكەنىن ايتىپ، زيمبابۆە حالقىن ارانداتۋ ءۇشىن جاسالىپ جاتقان ارەكەت دەپ باعالاعان.

ەسكە سالا كەتەيىك، روبەرت مۋگابە 1980 جىلدان باستاپ مەملەكەتتى باسقارىپ كەلە جاتىر. ول 2013 جىلى وتكەن پرەزيدەنت سايلاۋىندا حالىقتىڭ 60 پايىزدان استام داۋسىن يەلەنىپ،پرەزيدەنت اتانعان. ال ول كەزدەگى وپپوزيتسيا باسشىسى، ەلدىڭ پرەمەر-ءمينيسترى مورگان تسۆانگيراي سايلاۋ ناتيجەسىمەن كەلىسپەي، داۋىستاردىڭ بۇرمالانعانىن ايتقان. بۇل جولعى سايلاۋ كەزىندە ەۋرووداق تا سايلاۋ كەزىندە ورەسكەل زاڭ بۇزۋشىلىقتاردى انىقتاعان.

زيمبابۆەنىڭ وپپوزيتسيالىق پارتياسىنىڭ جەتەكشىسى مورگان تسۆانگيراي مەملەكەت تىزگىنىن 92 جاستاعى مۋگابەنىڭ ايەلى ءوز قولىنا العانىن ايتتى.

ايتپاقشى، زيمبابۆەنىڭ 92 جاستاعى كوسەمىنىڭ «ادام جەگىش» ەكەندىگى دە الەمدىك باق-تا قىزۋ تالقىعا تۇسكەن. ول ساياسي بيلىكتى اۆتوريتاريزمگە كوشۋرى ءۇشىن، ءوزىنىڭ وپپوزيتسياداعى قارسىلاستارىنىڭ ەتىن جەگەن دەگەن قاۋەسەت تە ايتىلادى.

 

ايسۇلۋ تۇرسىنباەۆا

Abai.kz

 

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1574
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2268
عيبىرات

قايسار رۋحتى عازيز جان

مۇحتار قۇل-مۇحاممەد 3576