سەنبى, 29 اقپان 2020
قوعام 2486 0 پىكىر 30 ناۋرىز, 2016 ساعات 10:41

مامبەتاليننىڭ جازاسىن جەڭىلدەتۋدى سۇرادى

الماتىدا اپەللياتسيالىق سوتتا پروكۋرور سوت القاسىنان ازاماتتىق بەلسەندى سەرىكجان مامبەتاليننىڭ ۇكىمىن جەڭىلدەتىپ، ەكى جىلعا باس بوستاندىعىنان ايىرۋدى جانە ءۇش جىلعا قوعامدىق قىزمەتپەن اينالىسۋىنا تىيىم سالۋدى سۇرادى.

بۇعان دەيىن ول ارازدىق تۋدىردى دەگەن ايىپپەن ەكى جىلعا سوتتالسا دا، تەرگەۋ اباقتىسىندا وتىرماعان ەدى.

پروكۋرور وسى ءىس بويىنشا سوتتالعان ەرمەك نارىمباەۆتىڭ ۇكىمىن كۇشىندە قالدىرۋدى سۇرادى. نارىمباەۆ ءۇش جىلعا باس بوستاندىعىنان ايىرىلعان جانە بەس جىل بويى كەز كەلگەن قوعامدىق ىسپەن اينالىسۋىنا رۇقسات جوق. ول دا ءۇي قاماۋىندا وتىر.

سوتتا نارىمباەۆ كىناسىن مويىندامايتىنىن ايتىپ، ءوزىن بوساتۋىن سۇرادى. مامبەتالين كىناسىن مويىندايتىنىن مالىمدەدى. ول سوتقا ءوزى كەلىپ، ۇيىنە ءوزى قايتىپ كەتتى. نارىمباەۆتى سوتقا كۇزەتپەن الىپ كەلىپ، ءۇي قاماۋىندا وتىرعاندىقتان كۇزەتشىلەردىڭ الىپ جۇرۋىمەن ۇيىنە قايتتى.

سەرىكجان مامبەتالين مەن ەرمەك نارىمباەۆتار 22 قاڭتاردا الەۋمەتتىك جەلىدە «ۆەتەر س ۋليتسى» دەيتىن كىتاپتان «قازاق حالقىنىڭ ار-نامىسىن تاپتايتىن» ۇزىندىلەردى تاراتقاندارى ءۇشىن، الەۋمەتتىك ارازدىق تۋدىردى دەپ ايىپتالىپ، ەكى جانە ءۇش جىلعا سوتتالعان. ولار مۇنى ينتەرنەتتەن كوشىرىپ باستىق دەگەن ءۋاج ايتىپ، كىنالارىن مويىنداماعان. بىراق ۇكىم شىققان سوڭ كوپ ۇزاماي قوس بەلسەندىنىڭ «وكىنگەندەرى» تۋرالى مالىمدەمەلەرى شىعىپ، قاماۋدان بوساتىلعان ەدى.

Abai.kz

0 پىكىر