بەيسەنبى, 28 ناۋرىز 2024
جاڭالىقتار 4437 0 پىكىر 29 ناۋرىز, 2016 ساعات 11:18

پۋتينگە اقپاراتتىق شابۋىل جاسالماق

رەسەي پرەزيدەنتىنىڭ ءباسپاسوز حاتشىسى دميتري پەسكوۆ تاياۋ كۇندەرى ۆلاديمير پۋتين مەن ونىڭ توڭىرەگىندەگىلەرگە قارسى شەتەلدەن "وبەكتيۆتى جانە سەنساتسيالىق بوپ كورىنەتىن اقپاراتتىق شابۋىل جاسالاتىنىن" مالىمدەدى.

پەسكوۆ بىرقاتار ەلدىڭ جۋرناليستەرى قۇرامىنا كىرەتىن جۋرناليستىك زەرتتەۋلەردىڭ حالىقارالىق كونسورتسيۋمىنان (CIJI) "تەرگەۋ سۇراقتارىنا ۇقسايتىن ساۋالدارعا" جاۋاپ بەرۋ تۋرالى وتىنىشتەر تۇسكەنىن ايتتى.

ء"بىز جۋرناليستەر عانا ەمەس وزگە دە ۇيىم جانە قىزمەت وكىلدەرىنىڭ وسىعان دايىندالىپ جاتقانىنا سەنىمدىمىز. ولار جاقىن كۇندەرى گەرمانيا، اقش، ۇلىبريتاني، شۆەيتساريا، رەسەي جانە وزگە دە بىرقاتار ەلدە جينالىپ، وسىنداي جازبالارىن جاريالاماق", – دەدى ول.

جۋرناليستىك زەرتتەۋلەردىڭ حالىقارالىق كونسورتسيۋمىن قىزىقتىرعان سۇراقتارعا بايلانىستى پەسكوۆ: "اڭگىمە ءپۋتيننىڭ جەكە باسى تۋرالى، ونىڭ وتباسى، دوستارى مەن بالالىق شاعى تۋرالى، ءپۋتيننىڭ بالا كەزدەگى دوستارى جايلى، كاسىپكەرلەر تۋرالى (كوۆالچۋك، روتەنبەرگ) بولدى جانە ولاردى قايداعى ءبىر وفشورلىق كومپانيالار تۋرالى اقپارات قىزىقتىرادى", - دەدى.

سونىمەن قاتار پەسكوۆتىڭ ايتۋىنشا، بىرقاتار تانىمال حالىقارالىق اقپارات اگەنتتىك ماقالالار دايىنداپ جاتقان كورىنەدى. پەسكوۆ ولاردى كوپە-كورىنەۋ "تاپسىرىس" دەپ اتاپ، كرەملدىڭ تۇسكەن ساۋالدارعا جاۋاپ بەرمەيتىنىن مالىمدەدى.

اباي-اقپارات

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2254
عيبىرات

قايسار رۋحتى عازيز جان

مۇحتار قۇل-مۇحاممەد 3521