قاراعاندىدا «جاماعاتتاردىڭ» ءىسى بويىنشا ۇكىم شىقتى
بۇگىن قاراعاندىنىڭ كازىبەك بي اۋداندىق سوتى قر قىلمىستىق كودەكسىنىڭ 405 بابى بويىنشا («ەكسترەميستىك نەمەسە تەررورلىق قىزمەتى ءۇشىن سوت شەشىمىمەن جابىلعان قوعامدىق نەمەسە ءدىني ۇيىمنىڭ قىزمەتىن ۇيىمداستىرۋ» قاراعاندى وبلىسىنىڭ ءۇش تۇرعىنىنا ايىپتاۋ ۇكىمىن شىعاردى.
قازاقستاندا تىيىم سالىنعان «تابليعي جاماعات» ۇيىمىنىڭ ۇياشىعىنا جەتەكشىلىك ەتتى دەلىنگەن ايدىن شاكەنتاەۆ ەكى جارىم جىلعا سوتتالدى. سوت ورىندىعىندا وتىرعان مۇرات شوپەنوۆ پەن باۋىرجان سەرىكوۆتەر ەكى جىلعا باس بوستاندىعىنان ايىرىلدى. ۇكىمگە سايكەس، جازا مەرزىمىن وتەۋ تولار ۇستالعان 2015 جىلدىڭ قازان ايىنان باستالادى.
وتكەن ايدا استانادا «تابليعي جاماعاتقا» قاتىسى بار دەگەن ايىپپەن بەس ادامعا ۇكىم شىقتى. ولار دا ەكىدەن ەكى جارىم جىلعا دەيىن سوتتالدى.
«تابليعي جاماعات» ۇيىمىن 2013 جىلى استانا قالاسىنىڭ سوتى ەكسترەميستىك دەپ تانىعان. قازاقستان بيلىگىنىڭ پىكىرىنشە، ۇيىم حاليفات قۇرۋدى كوزدەيدى.
اباي-اقپارات
