جۇما, 29 ناۋرىز 2024
كاسىپ-ءتۇبى ءناسىپ 4553 0 پىكىر 25 ناۋرىز, 2016 ساعات 11:00

يراندىق تۋريستەر قازاقستانعا قىزىعۋشىلىق تانىتۋدا

بىراق، قازاقستاننىڭ اۆياتسيا سالاسىنداعى بيلىگى يراندىق Mahan Air كومپانياسىنىڭ ۇشاقتارىنا 2015 جىلدان بەرى تىيىم سالعان بولاتىن. سول سەبەپتى، قازاقستاندىق تۋريستىك اگەنتتىكتەر قاۋىمداستىعى بۇل كومپانيانىڭ قازاقستانعا ۇشۋلارىن قايتا جاڭعىرتۋدى سۇراپ وتىر.

يران اۋە كومپانياسىن قورعاۋدىڭ ءبىر ءۋاجى – ولار يراندىق تۋريستەردىڭ قازاقستانعا اعىلۋى ءۇشىن ارنايى تاريفتەر مەن سانالۋان جەڭىلدىكتەر ۇسىنادى.

وسىعان بايلانىستى، قازاقستاندىق تۋريستىك اگەنتتىكتەر قاۋىمداستىعى «اتامەكەن» ۇكپ-نا وسى ماسەلەنىڭ سەبەپتەرىن انىقتاۋعا كومەك كورسەتۋ جانە اتالعان اۋە كومپانياسىنىڭ ۇشۋلارىنا قايتادان رۇقسات بەرۋ جونىندە ءوتىنىش جاسادى.

بۇل الاڭداۋشىلىقتىڭ تۋىنا نەگىز بار. ايتالىق، قازاقستاندىق تۋريستىك اگەنتتىكتەر قاۋىمداستىعىنىڭ پرەزيدەنتى اسەل نۇركەباەۆانىڭ ايتۋىنشا، وتكەن جىلى وسى قاۋىمداستىق قازاقستاننىڭ تۋريستىك الەۋەتىن شەت ەلدەردە، ونىڭ ىشىندە يراندىق نارىقتا ىلگەرىلەتۋ جونىندە كوپ جۇمىس اتقارىپتى. 

ء«بىز ءوز قاراجاتىمىزعا ماركەتينگ جۇرگىزەمىز جانە ءباا، قحر، ەۋروپا، رەسەي، ءۇندىستان مەن يران سياقتى ەلدەردەگى تۋريستىك كورمەلەرگە قاتىسامىز. قازاقستاندا تۋريزم باسىم باعىت رەتىندە بەلگىلەنگەن، بۇل تۋريستىك بيزنەستى دامىتۋعا جانە قايتا باعدارلاۋعا سەرپىن بەرۋى ءتيىس. يران، قىتاي جانە ءۇندىستان ءتارىزدى نارىقتاردىڭ الەۋەتى وتە زور جانە ء بىزدىڭ ەلىمىز ءۇشىن دە ءتيىمدى»، – دەيدى ءا.نۇركەباەۆا.

ول وسى جىلدىڭ 14-19 اقپان ارالىعىندا قاۋىمداستىق پەن ءبىر توپ تۋريستىك كومپانيا تەگەراندا وتكەن تۋريستىك كورمەگە قاتىسقانىن ايتتى.

 «بۇل باعىتتاعى جۇمىس جارتى جىل بۇرىن باستالدى. Mahan Air اۋە كومپانياسىمەن جاسالعان  الدىن الا كەلىسىم بويىنشا ءبىز نارىقتى زەرتتەدىك جانە يراننىڭ اسا ءىرى تۋروپەراتورلارىمەن بايلانىس ورناتۋعا قول جەتكىزدىك. قازىرگى ۋاقىتتا ىنتىماقتاستىق تۋرالى 20-عا جۋىق كەلىسىم-شارتقا قول قويىلدى، ءبىرتالاي قاراجات پەن ۋاقىتىمىز كەتتى. يراندىق اۋە كومپانياسى قازاقستانعا يراندىق تۋريستەر اعىنىن تارتۋ ءۇشىن ارنايى تاريفتەر مەن نەشە ءتۇرلى جەڭىلدىكتەر ۇسىنۋعا دايىن.  اۋە بيلەتىنىڭ ارزان بولۋى تۋريستىك ءونىمدى قالىپتاستىرۋ كەزىندە باستى نازار اۋداراتىن جايت ەكەنى ءسوزسىز»، – دەپ اتاپ ءوتتى اسەل نۇركەباەۆا.

اتالعان قاۋىمداستىقتىڭ شەتەلدىك، ونىڭ ىشىندە يراندىق نارىقتا قازاقستاننىڭ تۋريستىك الەۋەتىن ارتتىرۋعا قوسقان ۇلەسىن «اتامەكەن» ۇكپ باسقارما توراعاسىنىڭ ورىنباسارى يۋليا ياكۋپباەۆا دا اتاپ ءوتتى. ول  قازاقستان باعىتىندا جۇمىس ىستەۋگە دايىن يراندىق تۋروپەراتورلارمەن قول قويىلعان 20 كەلىسىم-شارتتى ەسكە سالدى. قازىرگى ۋاقىتتا ەكى اراداعى توپتىق تۋريستىك ساپارلاردى وڭايلاتۋ جونىندەگى  مەموراندۋم جوباسى قاراستىرىلۋدا.

يۋ.ياكۋپباەۆانىڭ ايتۋىنشا، تۋريستىك پاكەتتەردى قالىپتاستىرۋ كەزىندە Mahan Air اۋە كومپانياسى ۇسىنعان باعا كورسەتكىشتەرى باستى ايقىنداۋشى فاكتور بولدى.   

«بۇگىنگى كۇنى اتالعان اۋە كومپانياسىنىڭ ۇشۋلارىنا تىيىم سالۋ سالدارىنان قازاقستانعا يراندىق تۋريستەردى تارتۋ جونىندە وسى ۋاقىتقا دەيىن اتقارىلعان جۇمىسقا قاۋىپ ءتونىپ تۇر. تۋركومپانيالار مەن قاۋىمداستىق يراندىق   نارىقتى زەرتتەۋگە جانە كورمەلەرگە قاتىسۋعا از قاراجات جۇمساعان جوق، ونىڭ قايتارىمى بولۋى ءتيىس»، – دەپ مالىمدەدى يۋ.ياكۋپباەۆا.

جاقىندا  «اتامەكەن» ۇلتتىق پالاتاسى يندۋستريا جانە دامۋ مينيسترلىگىنەن Mahan Air اۋە كومپانياسىنىڭ ۇشۋلارىنا تىيىم سالۋدىڭ سەبەپتەرىن انىقتاۋدى ءوتىندى. اتاپ ايتقاندا، مينيسترلىككە جولدانعان سۇراقتاردىڭ توركىنى مىناداي:

«قازاقستاندىق تۋريستىك نارىققا ۇسىنىلاتىن بالاما قانداي؟ Mahan Air بۇدان بىلاي پاريتەت جاعدايىندا جۇمىس ىستەيتىن بولا ما؟ قازاقستاندىق تۋروپەراتورلارعا يكەمدى باعا شارتتارى ۇسىنىلا ما؟».

وسىلايشا، تۋريزم – ەكونوميكانىڭ تابىستى سالالارىنىڭ ءبىرى ەكەندىگىن ەسكەرسەك، ماسەلە وڭ شەشىلۋى ءتيىس. سوندا يراننان قازاقستانعا كەلەتىن تۋريستەر اعىنى دا ۇلعاياتىن بولادى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3616