جۇما, 29 ناۋرىز 2024
كاسىپ-ءتۇبى ءناسىپ 4535 0 پىكىر 18 ناۋرىز, 2016 ساعات 14:11

شىمكەنتتە قۇرىلىس كومپانيالارىنىڭ كورمەسى وتۋدە

كورمە قۇرىلىس يندۋسترياسىنىڭ جاڭا ونىمدەرىن تانىستىرۋمەن قاتار، ارىپتەستەر تابۋعا، تاجىريبە الماسۋعا مۇمكىندىك بەرەدى

17-18 ناۋرىز كۇندەرى شىمكەنت قالاسىندا وڭتۇستىك قازاقستاننىڭ «ShymkentBuild – 2016» قۇرىلىس كورمەسى وتۋدە. وعان قازاقستان، رەسەي، وزبەكستاننان قىرىقتان استام كومپانيا قاتىسىپ، ءوز ونىمدەرىن ۇسىنۋدا. كورمەگە قاتىسۋشىلار قۇرىلىس سالاسىنىڭ ماماندارىن قۇرىلىسقا، ينجەنەرلىك جەلىلەرگە، وبەكتىلەردى ارلەۋگە، جوندەۋ جۇمىستارىنا ارنالعان نارىقتىڭ ماڭىزدى ۇسىنىستارىمەن، زاماناۋي ماتەريالدارمەن، تەحنولوگيالارمەن، قۇرال جابدىقتارمەن تانىستىردى. شارا كەزىندە تانىمال شەتەلدىك برەندتەردىڭ سانالۋان ءونىمىن كورىپ قانا قويماي، ولاردى ءىس جۇزىندە تەكسەرىپ كورۋ مۇمكىندىگى بەرىلگەن. 

كورمە بارىسىندا قۇرىلىس ماتەريالدارىنىڭ وڭتۇستىك قازاقستاندىق نارىعىنان 13 كومپانيا تانىستىرىلدى. ولاردىڭ ىشىندە «Orient Hall»، «جىلۋ ورتالىعى»، «التا-پروفيل شىمكەنت»، «Dau Trade» سىندى جاڭا كاسىپورىندار دا بار. بۇل كاسىپورىنداردىڭ ونىمدەرى ءوز تۇتىنۋشىسىن تابارىنا سەنىم مول، ويتكەنى 2016-2020 جىلدار ارالىعىندا وبلىستا 1671,8 م2 عيمارات سالىنىپ، ىسكە قوسىلادى دەپ جوسپارلانعان. جىل سايىن وبلىستاعى قۇرىلىس كولەمى 1,5%-2%-عا ءوسىپ كەلەدى.

جاڭا قاتىسۋشىلاردىڭ ستەندتەرىندە «ليت قازاقستان» كومپانياسىنىڭ عيماراتتار مەن قۇرىلىستاردى، اشىق جىلۋ جولدارىن، اۋا وتكىزگىشتەردى، مۇناي جانە گاز قۇبىر جەلىلەرىن قاپتاۋ بويىنشا شۋ وتكىزبەيتىن ماتەريالداردىڭ تولىق كەشەنى، «ارقارلى تاس» كومپانياسىنىڭ گاببرو-دياباز تاۋ جىنىسىنىڭ تابيعي تاستارىنان جاسالعان تاۋارلارى، «پەجۆاك» كومپانياسىنىڭ عيماراتتاردىڭ سىرتىن قاپتاۋعا جانە قايتالانباس زەر سالۋعا قاجەتتى دەكوراتيۆتىك سىلاۋعا ارنالعان ەرەكشە جىلۋ وتكىزگىش كەراميكالىق كىرپىشتەرى، «ARLAN وڭتۇستىك قۇرىلىس» كومپانياسىنىڭ پەنوپلاستان جاسالعان ارحيتەكتۋرالىق قاسبەتتىك ەلەمەنتتەرى، سۇيىق تراۆەرتيندەرى، جىلۋبلوكتارى جانە ەرەكشە 3D پانەلدەرى ۇسىنىلعان.

كورمەگە بەتون وندىرىسىنە ارنالعان قۇرىلعىلار شىعاراتىن «كامسكي بەتون زاۋىتتارى» العاش رەت قاتىستى. «Ariston Thermo S.P.A» كومپانياسى سۋجىلىتقىشتار مەن گاز قازاندىقتارىن ۇسىنسا، «Fleet & Equipment Solutions» جوعارى تەحنولوگيالىق جول جانە قۇرىلىس قۇرال-جابدىقتارىن اكەلىپتى.

ماماندار بورۋسان ماكينا قازاقستان كومپانياسىنىڭ قۇرىلىس جانە جول تەحنيكاسىنىڭ، «TANSU» ماركاسىنىڭ مۇناي وڭدەۋ زاۋىتتارىنا ارنالعان جابدىقتارى مەن بۋ قازاندىقتارىنىڭ، سونداي-اق «كەرەگە-مونتاج» كومپانياسىنىڭ جاڭا ءونىمى – ءار ءتۇرلى رەجىمدە جۇمىس ىستەي بەرەتىن قازاندىق جۇيەسىنىڭ ۇلگىلەرى ۇسىنىلعان ەكسپوزيتسيانى جوعارى دەڭگەيدە باعالادى. كورمەگە كەلۋشىلەر قازاندىق جۇيەسىن سىناقتان وتكىزىپ كورۋ مۇمكىندىگىنە يە بولدى.

كورمەنى ۇيىمداستىرۋشى – قازاقستاندىق Iteca كورمە ۇيىمداستىرۋ كومپانياسى. كورمەگە قر ينۆەستيتسيا جانە دامۋ مينيسترلىگى، قر ۇلتتىق ەكونوميكا مينيسترلىگى، وقو كاسىپكەرلەر پالاتاسى مەن وبلىستىق اكىمدىك. رەسمي قولداۋ كورسەتتى.

«وڭتۇستىك قازاقستانداعى قۇرىلىس – باسىمدىق بەرىلگەن سالالاردىڭ ءبىرى جانە مۇندا بيزنەس-بەلسەندىلىك وتە جوعارى. قۇرىلىس سەكتورىندا ارەكەت ەتۋشىلەردىڭ بارلىعى ءاردايىم جاڭا تەحنولوگيالارعا، جاڭا جابدىقتارعا، جاڭا ارىپتەستەر مەن شارتتارعا مۇقتاج. سوندىقتان مۇنداي كورمەلەر بىزگە قاجەت. ول كومپانيا باسشىلارىمەن كەزدەسۋگە، ارىپتەستەرمەن كەلىسىم-شارت جۇرگىزۋگە، تاجىريبە الماسۋعا، قۇرىلىس يندۋسترياسىنداعى جاڭا ونىمدەردى تاماشالاۋعا مۇمكىندىك بەرەدى»، – دەدى وقو كاسىپكەرلەر پالاتاسىنىڭ ديرەكتورى اسقار ابۋباكىروۆ. – «وقو كاسىپكەرلەر پالاتاسىندا ءوڭىردىڭ قۇرىلىس نارىعىنداعى بارلىق ويىنشىلاردىڭ باسىن بىرىكتىرەتىن قۇرىلىس كوميتەتى جۇمىس ىستەيدى. سوندىقتان، ءبىز دە ءبىزدىڭ كومپانيالارىمىزدىڭ تاپ وسىندا، وسىنداي كورمەلەردە شارت جاساۋىنا مۇددەلىمىز. وڭتۇستىك قازاقستان وبلىسىنىڭ قۇرىلىس سەكتورىنىڭ ماڭىزدى ورتالىعى اتاناتىن كۇنى الىس ەمەس دەگەن سەنىمدەمىن».

Abai.kz

 

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1575
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2272
عيبىرات

قايسار رۋحتى عازيز جان

مۇحتار قۇل-مۇحاممەد 3587