جەرگىلىكتى بيلىك تۇرعىندارعا جۇزەتىن قۇرالدارعا شەيىن دايىنداپ قويۋدى ەسكەرتۋدە. بىلتىرعى سەلدەن جۇزدەگەن ءۇي قيراپ، ادام ءولىمى دە بولعان ەدى.

بىلتىرعى سەل اعىزىپ كەتكەن ءۇيىنىڭ ورنىنا جاڭادان باسپانا سالعان تۇرعىندار بۇل جولعى تاسقىننان قاتتى زارداپ شەكپەيتىندەرىنە ۇمىتتەنىپ وتىر. ولار ۇيلەرىنىڭ ىرگەتاسىن بيىك ەتىپ تۇرعىزىپ، ءۇيدىڭ قابىرعاسىن بۇرىنعىداي ساماننان ەمەس، بەرىك ماتەريالداردان قالاعان.

رەسمي مالىمەت بويىنشا قاراعاندى وبلىسىنىڭ بۇقار جىراۋ، وساكاروۆكا، اباي، نۇرا، شەت جانە قارقارالى اۋداندارىندا سۋ تاسقىنى قاۋپى جوعارى. كوكتەمدە قار ەرىگەندە بۇل وڭىرلەردەگى وزەندەردىڭ دەڭگەيى 15 سانتيمەترگە كوتەرىلىپ، ەڭىستەگى اۋماقتاردى ءۇش شاقىرىمعا دەيىن سۋ باسادى. 15 مىڭ ادام تۇراتىن 63 ەلدىمەكەندى تولىق نەمەسە جارتىلاي سۋ باسۋ قاۋپى بار.

اباي-اقپارات