ۋكراينا: ورتا ءدالىزدى دۋناي ارقىلى ەو-مەن جالعايىق!
ۋكراينا ورتا ءدالىزدى قارا تەڭىز بەن دۋناي ارقىلى ەو نارىقتارىمەن بايلانىستىرۋدى ۇسىندى...
ۋكراينا ورتا ءدالىزدى قارا تەڭىز، دۋناي جانە ەۋروپالىق وداقتىڭ قولدانىستاعى «ىنتىماقتاستىق جولدارى» ارقىلى ەۋروپالىق نارىقتارمەن بايلانىستىرۋدى ۇسىندى.
ۋكراينا ءسىم باسشىسى سيبيگا كيەۆتىڭ ورتالىق ازيا ەلدەرىنە كولىك باعىتتارىن ارتاراپتاندىرۋعا، لوگيستيكالىق تاۋەلسىزدىكتى نىعايتۋعا جانە ەۋروپالىق نارىقتارعا شىعۋ مۇمكىندىكتەرىن كەڭەيتۋگە كومەكتەسۋگە دايىن ەكەنىن مالىمدەدى.
اتاپ ايتقاندا، ۋكراينا پورت ينفراقۇرىلىمىن دامىتۋدى، ەۋروپالىق جولتاباندى تەمىرجولداردى جاڭعىرتۋدى جانە شەكارالىق راسىمدەردەن ءوتۋدى جەدەلدەتۋدى ۇسىندى.
سونداي-اق كيەۆ ينفراقۇرىلىمدىق جوبالاردى ەۋروكوميسسيامەن، حالىقارالىق قارجى ۇيىمدارىمەن، تۇركيامەن، وڭتۇستىك كاۆكاز جانە ورتالىق ازيا ەلدەرىمەن بىرلەسىپ ۇيلەستىرۋدى جاقتادى.
بۇل ۇسىنىس 16 قاراشادا بريۋسسەلدە وتكەن مينيسترلەر كەزدەسۋىندە ايتىلدى، وندا قاتىسۋشىلار ورتا ءدالىزدى، كولىك جانە ەنەرگەتيكالىق ينفراقۇرىلىمدى دامىتۋ، سونداي-اق ينۆەستيتسيا تارتۋ ماسەلەلەرىن تالقىلادى.
ءوز كەزەگىندە ەو 2030 جىلعا قاراي وسى باعىتتاعى ساۋدا اعىندارىن ءۇش ەسەگە ارتتىرۋدى كوزدەپ وتىر.
Abai.kz