ەردوعان ۇلتتىق قاۋىپسىزدىك كەڭەسى مەن مينيسترلەر كەڭەسى جينالىستارىنىڭ ارتىنان مالىمدەمە جاسادى.

پرەزيدەنت رەجەپ تايىپ ەردوعان ۇكىمەتتىڭ ۇلتتىق قاۋىپسىزدىك كەڭەسىنىڭ ۇسىنىسىمەن ەل كولەمىندە 3 اي بويىنشا توتەنشە جاعداي رەجيمى  جاريالانعانىن ءبىلدىردى.

ەردوعان ۇلتتىق قاۋىپسىزدىك كەڭەسى جانە مينيسترلەر كەڭەسى جينالىستارىنىڭ ارتىنان قابىلدانعان شەشىمدەردى جاريالادى.

ءوزى مەن ۇكىمەتتىڭ تۇراقتى جانە ۇلتتىڭ توڭكەرىسكە قارسى شىعۋىنىڭ ارقاسىندا فەتۋللاحشى تەررور ۇيىمىنىڭ (FETÖ) 15 شىلدە كۇنگى توڭكەرىس باستاماسىنىڭ تابىسقا ۇلاسپاعانىن اتاپ كورسەتكەن ەردوعان «مەن، ۇلتىمدى ماقتان تۇتامىن. ءبىر توڭكەرىس باستاماسى ۇلتتىڭ تىكەلەي جانە تۇراقتى ۇستانىمىمەن جۇزەگە اسپادى. وقيعالاردا 246 جازىقسىز ادام قازا تاۋىپ، 1 مىڭ 536 جازىقسىز ازاماتىمىز جاراقات الدى. قاۋىپسىزدىك قىزمەتكەرلەرىمىزدىڭ باتىلدىعىن دا ماقتان تۇتامىن» دەدى.

پرەزيدەنت ۇكىمەت جاريالاعان اتالمىش توتەنشە جاعداي شەشىمىنىڭ نەگىزگى نىساناسىنىڭ دەموكراتياعا كولەڭكە ءتۇسىرۋ ەمەس، كەرىسىنشە ونى كۇشەيتۋ جانە تەررور قاۋپىنە قارسى قاجەتتى شارالاردى قامتاماسىز ەتۋ ەكەنىن اتاپ كورسەتتى.

ەردوعان تۇركياعا تونگەن قاۋىپپەن سالىستىرىلا المايتىن شارتتاردا توتەنشە جاعداي جاريالاعان كەيبىر ەلدەرگە ءۇنىن شىعارماعانداردىڭ قابىلدانعان بۇل شەشىمدى ەشقانداي سىنعا الۋعا حاقى جوق ەكەنىن بىلدىردى.

ەل كولەمىندە ەكونوميكالىق تۇراقتىلىقتىڭ جالعاساتىنىن اتاپ ايتقان پرەزيدەنت تۇركيانىڭ نەسيە كورىنىسى مەن باعاسىن شەگەرگەن حالىقارالىق نەسيە باعالاۋ مەكەمەسى "S&P"عا نارازىلىق كورسەتتى.

«سەن ءوز جۇمىسىڭا قارا! سەنىڭ بىزبەن نە بايلانىسىڭ بار؟ وسىلار مۇنداي كەزەڭدى كۇتەدى. كىم ءبىلسىن، بالكىم ولار نارىقتارعا ۆيرۋس تا جۇقتىراتىن شىعار. الايدا تۇركيادا قولداۋلار جانە رەفورمالار ۇزدىكسىز جالعاسادى» دەدى.

ازاماتتارعا دەموكراتيادان كەرى قادام باسپايتىندارىن بىلدىرگەن ەردوعان تۇرىك قارۋلى كۇشتەرىنىڭ دە ۇكىمەتپەن بىرگە قوزعالعانىن اتاپ ايتتى.

پرەزيدەنت «ەشكىم ۋايىمداماسىن، تۇركيا بۇل اپاتتان امان قالدى» دەدى.