جۋىردا روزا القوجا ءوزىنىڭ  Facebook جەلىسىندەگى پاراقشاسىندا “مەن سىيعا تارتقان ورامال” ءانىن ارىپتەستەرىنىڭ رۇقساتسىز ورىنداپ جۇرگەنىن ايتىپ رەنجىگەن-ءدى. ولاردىڭ اراسىندا ءانشىنىڭ قايىن اپكەسى سۇلۋشاش نۇرماعامبەتوۆا دا بار ەكەن. دەسە دە، ءانشى بۇگىندە كەلىنى ءارى ارىپتەسى روزا القوجامەن قارىم-قاتىناسىنىڭ جاقسى ەكەنىن ايتادى.

بۇل تۋرالى Stan.kz  پورتالى حابارلايدى.

روزا القوجانىڭ “مەن سىيعا تارتقان ورامال” ءانى اركىمگە سىي بولىپ تارالىپ جاتىر. ءانشىنىڭ بۇل تولقۇجاتى اياسىندا ۇلكەن داۋ تۋىنداعان. اتالعان تۋىندى روزا القوجانى كوككە شارىقتاتىپ، ءان الەمىندە قانات قاقتىرتقان بولاتىن. الايدا ءانشى ءبىر كەزدەرى بىرنەشە رەت وسى انىنەن ايىرىلىپ قالا جازداعان. سەبەبى، روزانىڭ تىلىمەن ايتقاندا “مەن سىيعا تارتقان ورامال” ءانىن توناۋشىلار كوبەيىپ كەتكەن. ءانشى بۇل تۋرالى تولىعىراق وزىنىڭ Facebook پاراقشاسىندا جازدى.

قانداي جاعداي بولسا دا، روزا بۇل ءانىن ەشكىمگە بەرمەيدى. ول وسى انگە بولا ءوزىنىڭ قايىن اپكەسى سۇلۋشاش نۇرماعامبەتوۆانى دا سوتقا بەرگەن ەكەن. ول ءاندى ءوزىنىڭ جەكە شىعارماشىلىق كەشىندە قىرعىز انشىسىمەن ورىنداپ شىققان بولاتىن.

“مەن سىيعا تارتقان ورامال” ءانى العاش شىققان كەزدە اۆتوردان رۇقسات سۇراۋ دەگەن دۇنيە بولمايتىن. ەركىن وسكەن ونەر ادامى بولعاندىقتان، رۇقسات سۇراۋ دەگەندى بىلمەيتىنمىن. روزا ماعان ءبىرتالاي رەنجىدى. “اپا، ولاي بولمايدى” دەدى. ول ءاندى قىرعىز ءانشىسى بەرگەن تۇرعانمەن ورىنداپ شىقپاق بولدىم.

ەندى ءاندى كىم ورىنداماي ءجۇر قازىر. ول اڭگىمە سول جەردە ايتىلىپ، سول كەزدە-اق قالعان. ونىڭ بارلىعى ۋاقىتشا نارسەلەر عوي. ارا-قاتىناسىمىز جامان ەمەس. ونىڭ ۇستىنە ماعان كەلىن بولىپ كەلەدى”، – دەيدى سۇلۋشاش نۇرماعامبەتوۆا.

باستاپقىدا ءوز ءانىن رۇقساتسىز ورىنداعانى ءۇشىن روزا ارىپتەسىن سوتقا بەرگەن. ارتىنشا ارىزىن قايتىپ العان. دەسە دە، ارىپتەستەرى ءانشىنىڭ بىردەن سوتقا بارۋىن ورىنسىز دەپ تاپقان.

“سوتتاسۋ دەگەندى ءوز باسىم قولداي بەرمەيمىن. ال رۇقساتتى مىندەتتى تۇردە سۇراۋ كەرەك دەپ ويلايمىن. مۇنىڭ بارلىعى ءبىرىنشى كەزەكتە ءانشىنىڭ جەكە مادەنيەتىنە بايلانىستى. سوندىقتان تويدا ورىنداسا دا، ءبىراۋىز رۇقسات سۇراۋى كەرەك”، – دەيدى ومىرقۇل اينيازوۆ.

“مەنىڭشە، مۇنداي جاعدايدا رەنجۋگە بولمايدى. ءان ەرەكشە تانىمالدىلىققا يە بولعان سوڭ حالىقتىكىندەي بولىپ كەتەدى. ول ءاندى حالىق اراسىندا ەركىن ورىندايتىن بولادى”، – دەيدى جازيرا بايىربەكوۆا.

سوتقا جۇگىنۋدەن باس تارتسا دا، روزا القوجا ارىپتەستەرىنە رەنجىپ جۇرگەن سىڭايلى. سەبەبى ول جۋىردا بۇل ءاننىڭ ءوزى ءۇشىن قانشالىقتى قىمبات ەكەنىن ايتىپ، ونى ۇرلاماق بولعان ارىپتەستەرىنە وكپەسىن جەتكىزگەن-ءدى. ءتىپتى، ارىپتەستەرىنىڭ بۇل ارەكەتىن ء“وزىن جورتا جىندى قىلىپ، ەلەمەي قويۋ” دەپ باعالاعان.

Abai.kz