«قازىر بۇل عيمارات پرەزيدەنت ىستەرىن باسقارۋ اتقارۋشى اپپاراتىنىڭ قۇزىرىنا بەرىلدى. قازىرگى تاڭدا «تاجىكستان ساۋدا ورتالىعىن» قايتا قالپىنا كەلتىرۋ جوباسى دايىندالدى. قالانىڭ ورتالىق كوشەلەرىن قامتيتىن وسى جوبا بويىنشا، بۇل عيمارات بولاشاقتا سۇرىلەدى»، - دەدى ول 20 شىلدەدە دۋشانبەدە وتكىزگەن ءباسپاسوز ءماسليحاتىندا. بىراق عيماراتتىڭ ناقتى قاشان سۇرىلەتىنىن شەنەۋنىك انىقتاپ ايتپادى، تەك بيۋدجەتتە قاراجات پايدا بولعاندا عانا قيراتىلاتىنىن ەسكەرتۋمەن شەكتەلگەن.

دۋشانبەدەگى ورتالىق امبەباپ دۇكەنى 1960 جىلى سالىنعان. ءۇش قاباتتى عيمارات سوۆەت داۋىرىنەن بەرى دۋشانبە تۇرعىندارى مەن قالا قوناقتارى ءۇشىن ەڭ باستى ساۋدا ورتالىعى سانالىپ كەلدى. امبەباپ دۇكەن قىزمەتكەرلەرى عيماراتتى 1993 جىلى جەكەشەلەندىرىپ العان.

بىراق، 23 جىلدان سوڭ، تاجىكستان باسشىلىعى ساۋدا ورتالىعىن قىسىلتاياۋ ۋاقىتتا زاڭسىز جەكەشەلەندىرىپ العان دەپ شەشتى. ۇكىمەت قاۋلىسىمەن ساۋدا ورتالىعى ەل پرەزيدەنتىنىڭ اتقارۋشى اپپاراتى قۇزىرىنا بەرىلدى.