"ازامات نارىمباەۆ ەرمەك ەرسايىنۇلىنىڭ قازاقستان رەسپۋبليكاسى شەكاراسىنىڭ وتكىزۋ بەكەتتەرىنەن ءوتۋ فاكتىسى تىركەلمەگەن. ۇقك شەكارا قىزمەتى بۇدان وزگە ەشقانداي اقپاراتپەن بولىسە المايدى", - دەيدى قر ۇقك شق باس شتابى باسشىسىنىڭ مىندەتىن اتقارۋشى ولەگ كولەسنيكوۆ تىلشىلەرگە بەرگەن سۇحباتىندا.

ال، قر ىشكى ىستەر ءمينيسترى قالمۇحانبەت قاسىموۆ بولسا ورىن العان جايتقا بايلانىستى قانداي دا ءبىر پىكىر بىلدىرۋدەن باس تارتۋدا.

ۋكراينا استاناسى كيەۆتە جۇرگەن نارىمباەۆتىڭ ءوزى بولسا مەملەكەتتىك ورگان قىزمەتكەرلەرىنىڭ "بوساڭسۋىنىڭ" ارقاسىندا شەكارادان قينالماي ءوتىپ كەتكەنىن مالىمدەدى.

ء"بىزدى شەكاراشىلار بايقاپ قويدى، اتىپ تاستايدى ما دەگەن قاۋىپ بولعان. بىراق، قۇدايعا شۇكىر، ءبىز تىكەندى سىمنىڭ استىنان ءوتىپ، شەكارا استىق. ءبىرىنشى رەيسپەن ۇشىپ كەتتىك، 4-5 كۇن شاماسىندا كيەۆكە دە جەتتىك", - دەدى ەرمەك نارىمباەۆ.

ايتا كەتەيىك، بيىل جىل باسىندا المالى اۋداندىق سوتى نارىمباەۆتى ۇلتتىق ارازدىقتى تۋدىردى دەپ ايىپتاپ، ءۇش جىلعا باس بوستاندىعىنان ايىرعان بولاتىن. 30 ناۋرىزدا الماتى قالالىق سوتىنىڭ اپەللياتسيالىق القاسى ءىستى قايتا قاراپ، ونىڭ جازاسىن بوستاندىعىن شەكتەۋمەن الماستىردى. ول قۇزىرلى ورگانداردىڭ رۇقساتىنسىز تۇرعىلىقتى مەكەن-جايىن تاستاپ كەتپەۋى ءتيىس ەدى.

اباي-اقپارات