بۇل تۋرالى وڭتۇستىك قازاقستان وبلىسى (وقو) ايماقتىق كوممۋنيكاتسيالار قىزمەتىندە وتكەن بريفينگتە وبلىستىق دەنە شىنىقتىرۋ جانە سپورت باسقارماسىنىڭ باسشىسى حابارلادى دەيدى وقو اكىمىنىڭ ءباسپاسوز قىزمەتى.

ونىڭ ايتۋىنشا، ريو-دە-جانەيرو (برازيليا) قالاسىندا وتەتىن XXXI جازعى وليمپيادا ويىندارىنا وبلىستان 21 سپورتشى، سپورتتىڭ 11 تۇرىنەن قاتىسپاق. ءتورت جىلدا ءبىر كەلەتىن وليمپيادا ويىندارىندا سپورتشىلارىمىز وق اتۋ، بوكس، بايداركا جانە كانوەدا ەسۋ، اۋىر اتلەتيكا، جەڭىل اتلەتيكا، دزيۋدو، باتۋتتا سەكىرۋ، ستەند اتۋ، ساداق اتۋ، كوركەم گيمناستيكا مەن ءجۇزۋ سىندى سپورتتىڭ تۇرلەرىنەن ەلدىڭ نامىسىن قورعايتىن بولادى. 
بۇل سپورتتىق جارىسقا قاتىسۋعا ەلىمىزدەن 103 سپورتشى جولداما جەڭىپ العان بولسا، ونىڭ 5/1 بولىگى وڭتۇستىكقازاقستاندىق سپورتشىلاردىڭ ەنشىسىندە. 
سونداي-اق، ءباسپاسوز ءماسليحاتىنا قر بوكستان ۇلتتىق قۇراما كومانداسىنىڭ باس باپكەرى مىرزاعالي ايتجانوۆ پەن بوكسشىلار ءبىرجان جاقىپوۆ جانە قايرات ەراليەۆ قاتىستى.
بريفينگتە ءسوز العان م.ايتجانوۆ سپورتشىلارىمىزدىڭ جاتتىعۋىنا بارلىق جاعدايلار جاسالعاندىعىن ايتىپ، بۇگىندە بوكسشىلارىمىز ءوز بابىندا ەكەنىن جەتكىزدى.
قازىرگى تاڭدا وبلىسىمىزدىڭ ەڭ تاڭداۋلى دەگەن سپورتشىلارى وليمپيادانىڭ جولداماسىن جەڭىپ الىپ وتىر. جەڭىس تۇعىرىنان كورىنەتىندىكتەرىنە سەنىم بىلدىرگەن باسقارما باسشىسى، بارلىق سپورتشىلارعا ساتتىلىك تىلەدى. 
ايتا كەتەيىك، 2016 جىلعى جازعى وليمپيادا ويىندارى 5-21 تامىز ارالىعىندا برازيليانىڭ ريو-دە-جانەيرو قالاسىندا وتەدى.

اباي-اقپارات